اسمع
أريد اهدم بيدي حايط السكتة
خلي هلي وناسي والشماتة تسمع
أضم المستحة بروحي ولو بس يوم
والحجى السلس ما ضن بعد يوم ينفع
كضت وسفه عشرتنة آوياك
عيب أعلى العيون عليك لو تدمع
ما اطرب بعد لو غنت آم كلثوم
ولا أريد السنين الكضت آوياك ترجع
ولا اغسل أعيوني أب شوفتك كل يوم
ولا كلبي الغشيم أنوب آلك يخشع
ولا اكتب شعر واد غزل بحسنك
ولا دمعة تمساح أنوب آلك تشفع
كلنا لك حلو يغار الكمر منك
ورد جوري معدل حيل ومسنع
وعيونك الله شكد حسن شايل
واحبك حيل لو مرات تدلع
خلص كاس الصبر عندي
وكضت بس اشرب صبر وأجرع
********************
• أريد آن أموت شوقا ولا أحيا مللا
