[فارس الجنوب]

[poem font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=1 align=center use=ex num="0,black"]
أشهد إن الوقت نفسه والطرق نفس الطرق = والوسيعـه ذي حشـا ماكنهـا الا صندقـه


ذي تصاريف الليالي والمثل فيـك انطبـق = دارت الدنيا ورد الشمـل عقـب التفرقـه


مين فينـا قـال للثانـي علينـا نفتـرق = مين فينـا الّـف كتـاب الفـراق ونسقـه


اختصر وقتك ترى طبعـي معـك مايتفـق = اتفـق قلبـي مـع غيـرك وربـي وفقـه


ان رقم الهاتف اللي انـت دقيـت انغلـق = (وبليز دونت تراي ليتر)لان راعيـه اغلقـه


والهوا اللي مايجيب لصاحبه غير الزهـق = والسهر والنـوح وهمـومٍ تجيـه وتقلقـه


ابرك لراعيه يستسلـم خـلاص ويفتهـق = واحسن انه يرفع الرايـه وينكـس بيرقـه


كم زهمتك لين ماحسيت صوتـي يختنـق = وانت تتبع لـك ظنـونٍ ساقتـك للمشنقـه


قلت لك قلبي من فراقك سلوكـه تحتـرق = اسعف اللي طاح في بحرك ومـوجك غرقـه



لين ماقررت اكسر سور حبـك واختـرق = حاجزٍ ابطيت اشوف الـروح فيـه معلقـه



بس اشوفك جيت اخيراَ بعد ما الكاس انطفق = وانت بيدك كـل مامديـت كاسـي تطفقـه



جاي وتطالـب بحقك:يافـلان بـأي حـق = أسألـك بالله ذا هـرجٍ لسـانـك ينطـقـه


بأي وجه تجي تطالـب يالدخيـل المرتـزق = الطلـب مرفـوض دام ان الحقـوق ملـفقـه


مامشى من دموعك اللي فيه زورت الـورق = للأسـف ياصاحبـي لان البنـود موثـقـه


لاتقلّي كيف وانـت ادرى بهـذا المنطلـق = يوم قالو وش حدا المسمار قـال المطرقـه


من طرق باب العرب لابـد بابـه ينطـرق = ومن حرق جاره بنـاره الشـراره تحرقـه



غرك انك شفت خيلي في هواكـم منطلـق = تحسب ان خيلك الا من راح ماشي يسبقـه


انت ماصدقت من قالو ان(من سبـق لبـق) = غـرك اللـي قال(قـدّم للغشيـم وتلحقـه)



مادريت ان الهوى دربه مثـل درب الزلـق = وان درب الحب كله زحلقـه فـي زحلقـه


ذا يـروح وتكرهـه وذا يجيـك وينعشـق = وذاك لوسافر نسيته وغيره ان جا تعشقـه



طبخة ايدك اعزمي نفسك عليها في طبـق = مااوصّيك استلذي بطعـم ثومـه ومرقـه



الخلاصه قفل الموضـوع كرتـك احتـرق = بعد ماحبـك نكسنـا رايتـه مـع بيرقـه[/poem]

وسلامتكم