[صقرالعوالق]

اخواني مشرفي واعضا وزوار قسم الشعر حياكم الله اقدم لكم بدع وجواب بين شاعرين متالقين
وقد اورد البدع اخي اشبواني اصيل ولم يقم بنقل الجواب وهو معذور يمكن لم يتحصل عليه فعند مارائيت البدع قمت بنقل الجواب وانا نقلته من احد المنتديات فهو بدع رائع من الشاعر المتالق اياد بن ابوبكر السليماني( ابوشاخ) يتحدث عن واقع ما يعيشه وتعيشه المحافظات الجنوبيه وجواب رائع وشافي من احد الشعراء
المتالقين وهو دليل الحيران وقد ابدع في جوابه فنحن لاننكر ماتعيشه بعض المحافظات الشماليه والجنوبيه ولكن لاندعي باسم الجنوب فنحن يمن واحد وقد ابدعو الشعار في البدع والجواب وكفونا فكل منهم يتحدث عن طرف وقد كفو الاطراف فلاداعي ان نعلق اكثر من ذالك فاترككم مع هذه الروائع

واليكم البدع من الشاعر السليماني صح الله لسانك يابو( شاخ)
[poem=font="Simplified Arabic,5,darkred,bold,normal" bkcolor="transparent" bkimage="http://www.sh3bwah.com/vb/images/toolbox/backgrounds/17.gif" border="double,5,darkred" type=1 line=0 align=center use=ex num="0,black"]
بسمك اله الكون عالي معتلي=رافع طباق السبع من فوق المثار
قد زان ظلمتها كواكب تنضوي=والارض سطحها وفجرها نهار
لك سبح الراعد وبرقه يلتمي=الحمد لك تعداد طشات المطار
الطير سبح لك وهو لك مهتدي=قد فاز من صلى وسبح لك مرار
يارب انا ادعيك تغفر زلتي=ياعالم الواضح وعالم بالسرار
في خاتمه زينه توافق منيتي=تغفر ذنوبي جم دي قدها كبار
في القبر ترحمني توانس وحدتي=في يوم مقبل لي وما منه فرار
يوم العرق والخوف أمن وحشتي=لا خو باينفع ولا صاحب وجار
يا رب جرني فيه يسر حالتي=ورزقني الفردوس من بعد الحصار
والثانيه بوشاخ يا موج اصمدي=لما يجيك النصر بيدات النمار
قال الجنوب الحر ناوي ببتدي=ما دام انا مسجون من خلف السوار
باترك شمال الارض دي هو معتدي=دامه قتلني وزاد يحرقني بنار
ممروض يا لصحاب حالي منتهي=والجرح في قلبي وجسمي في انهيار
من ما حصل فينا عيالي تشتكي=من شبوة المشكى وابين زنجبار
وفي لحج والضالع ومهره تحتمي=وارض الحضارم ارض ما تحب الحصار
والبندر المشهور حاله يرتثي=ما به سخاء والله ارض الاعتبار
شبوة تقول العظم فيها يبتري=من أمنها الضايع ومن فتنه وثار
فيها السلاح وصار كله يشتري=فيها مباح الدم في عز النهار
من قد معه بندق صبح لي معتدي=ومسى يدفع خوه دي هل الديار
شله اصيل الجد دي هو معتجي=والحيك قد شله وحراث المحار
والعبد دي هو عبد شفته محتجي=والقنبلة يمني وله تاتا يسار
بطلت في الجودة معدنا معتزي=ما دام ذي اللبوة عشيقة للحمار
لكن انا قولي املنا مبتدى=في ذا المحافط خير دي جابه ذمار
قد جاب لي طارش خباره تستخي=واقسم بأنه جيد يكسر في الحجار
وانا احسبه حلحول جانا معتني=يبغى مربي له على خط المسار
يبغى مربي له على دين النبي=لكنه الليله يربى في الكبار
ما لحج مسكينه و للظلم انحني=ماشي لها قوة ولا شي اقتدار
ارض الحدايق ارض حكم الأولي=فيها الحسيني فيه من خير الثمار
والحين مسعوره مرضها مبتدى=لاجيت داخلها حسبت انه مغار
والضالع الليله معد با قول شي=فيها الفضايح جات تتوالى دفار
ارض الكرامة ارض عز المستمي=ارض البطولة عاد آثار الدمار
فيها رجال الصدق ما جاملت شي=في حربها الشطرين دكتهم بنار
ويا المهرة الليله سلامي لك يجي=لا تحسبيني بعت او وليت فار
با رتب الاوراق في سرعة مجي=مقبل عليك اليوم مسرع في انحدار
قد لي بطى منك وانا دي مشتهي=ياما معي مخفي ومكثرها سرار
ياحضرموت السعد غني واطربي=زيلي دموع الهم قد ولى وطار
با يخرج الكذاب هني وافرحي=من قد نهب ارضك خسيس الاصل ضار
تسليم لا أبين ومحصوده السخي=دي كان ينعشنا بمحصول الخضار
ارض المحبة صدق مانا مدعي=ارض الشجاعة دوب ما تجي في البوار
اما عدن تشكي من الحال الردي=بالخمر والميسر مراقص والقمار
فكو المراقص فيك يا الحد النقي=والخمر قد باعوه في الشارع سكار
نجس طهارتنا يبى السايح سلي=حتى الأجانب جات مع مولى ظفار
يا البندر المشهور يا شامخ عجي=يا حيدنا شمسان جاك الانتصار
يا صيرة القلعة شبالك باتجي=والجيش دي مقبل سريع الانتشار
من بعد ما دمعك على خدك ملي=ماعذر من ترحل جيوش المستشار
هذه خبار الحال ما بازيد شي=من هو مكذبني يزاور ذي الديار
من هو مع الوحده يوضح ماخفي=ومن هو مصدقني يوقع عالقرار
في ختمها تكبير يا محبي النبي=ما حنحن الراعد وبرقه في المثار [/poem]
صح الله لسانك يابو شاخ وترك التعليق للخوان

جواب الشاعر دليل الحيران[poem=font="Simplified Arabic,5,crimson,bold,normal" bkcolor="transparent" bkimage="http://www.sh3bwah.com/vb/images/toolbox/backgrounds/18.gif" border="groove,6,crimson" type=1 line=0 align=center use=ex num="0,black"]
الحمـد للـة يملـى بحرهـا والـبـر=ويملى المجرات ونجومـة مـع لقمـار
حمدي لبلجود في خيرة ووقـت الشـر=ماساق مقبـول تنفيـذة بـدون انكـار
قد بالدعاء يشطب الي كان قسمـي قـر=ويبدلة خيـر فـي جنـة بديـل النـار
ذافصـل للـة رب النـاس والمحشـر=المطلـع عالخفايـا عالـم الاســرار
والان يارعد هـت كوبـي مـع دفتـر=وياعازف العود العب لي علـى لوتـار
هنهن لبو شاخ ذي يحطب على لخضر=وقسم الحصـن والمجلـس فصالـة دار
واثنا على الكوت جاءلة من قفاء يهبـر=ساعة معة فاس واحيانا" معـة منشـار
سوى كما الهيج ذي يهرش وهو اعـور=شوفة قدى حيد وارجولة علـى لشجـار
ماقول شي ثـور كـل للطعـم واتنهـر=باقول ممسوخ حرز لـة علـي بكـار
او يوم هو صير مايذكر لذي قـد مـر=ويسمع خبابير حاكوها سيـس وشـرار
ماتذكر العـام ذي جانـا بـدب حمـر=واهلك هل الدين وذيابـك مـع لنمـار
ذي تعرفة كـان فـي واديـك يتامـر=وفي نخرتة ذهب متنوع قرف وضـرار
ممنـوع تبنـي دكاكينـك ولا تـقـدر=وتقـول ياللـة اهلـك ملـت الكـفـار
باسردة اهموة في ساحل غفيـر غبـر=وغراب حبان عندك ذكـر لمـا طـار
ووقت المجمع كرهنا البنت كـرة ادور=العقد ببـلاش للصيـرة مخافـة عـار
والطين شلـوة باسوامـة مـع المعـذر=واعطوة ذولاك ذي خانوا حقوق الجـار
وبيوت لجـواد اممهـا الكـور لنخـر=وملـك اهلـة وازلامـة فلـل واديـار
اما السفر صعب الا من رشـا او فـر=اوخوة في الحزب بايرسل يجيب اخبار
والخط رجراج في ريفي وفـي البنـدر=ضيق لة الويل بة جاري يـدف حمـار
والكهرباء وين يابو شـاخ حـد نـور=لسلاك معروف حسبتها معـي بالـوار
والسجن لك ويل لانتـة جيـت تتخبـر=كم من ولد ضاع من اهلة مع البصـار
كم باحسب اهوال يابو شـاخ واتذكـر=الكبد ممجول من عايـب ومـن مكـار
الشطر للـدوم ماهـو للوطـن يذكـر=ماحد يقسم كنانـة مثـل جحـر الفـار
بالوحدة انسان حس اني اصيـل وحـر=انقد هل الحكـم واتكلـم بماقـد صـار
وانتة بهـا اليـوم تتنهجـر ولا تشعـر=لا شرجبي جاك او محسن رسل اشعار
نهضة وعمران في ارضي وذاك نكـر=ماتخبرة ياخبازي عن عتـق والجـار
ماتخبرة كيف فـوة او عـدن وحـور=او لحج قل لة وعالساحل عمـل جبـار
والخط حوجـاة يابـو عيـن ماتبصـر=كم يا مشاريع يا زامـر مـع الزمـار
ابن اليمن نا ذي باسمـة كثيـر افخـر=ولا نا تبع زيـد او شافـع ولا عمـار
ومن عاث بافساد يومة بايكـون ادبـر=في يوم محدود حسبانـة مـع الجبـار
كم يا ولايـات بامريكـا نهبهـا حمـر=واهلها السـود ذلوهـم هـل الـدولار
والغرب ذا اليوم يتوحـد ونـاوي شـر=لامة العـرب يتوعـد بسحـق قطـار
لانتوا معة عيـب ياهوينـاة ذا منكـر=باتقسمـون العروبـة قافلـة وانـفـار
يا ابن ايوب من فضلك تعـال ابصـر=واسمع هل الطين كم تبقى لها اوصـار
المخلفة جات بـن ملجـم بقتـل عمـر=واصحاب بو شاخ جابوها بشطر امصار
ماطهم مدهـوف سيـل الحيـد يـدردر=بالثار لك دور او عقلك شـرد اوطـار
هابيل قابيـل شربكـم عصيـر حمـر=ورب لرباب زودكـم حجـج وافكـار
الثار مذمـوم والجانـي وجـب يزقـر=ماهو تخبية او تحـرب معـة فـي دار
ياللة انا دعيك لا نووها بعث صرصـر=وماهمني فوق ولا تحت فـي لعصـار
همي من الارض تبقى واحـدة تزخـر=وامـة العـرب تتقلـب علـى الكفـار [/poem]
صح الله لسانك ايها الدليل فانت دليل الخير والوحده

ارجو ان تنال اعجابكم اخواني الافاضل واترك لكم المجال لتعليقاتكم

لكم مني ارق التحايا واصدقها رب العرش يحميكم