[صقرالعوالق]

نويت مرباع الغضي سيد الاحباب=قصدي يزول الجرح زاد التهابه
جيت وبقايل نارهم حول الاطناب=بيت الشعر مطوي وباقي زهابه
اقفت ركايبهم ومني الهدب ذاب =الدمع يسري والذهل بالاجابه
على غزير الدمع ضميت الاهداب=صديت لين لين الدمع يقفي سحابه
بعض الوجاع يمكن تداويه الاعشاب=وبعض الوجاع يا ويل من هو سطا به
عشق بدوي لا حب ما هو بكذاب=يوفي ولو جرحه تجدد صوابه
قلبي من الفرقا صويب ومرتاب=كنه غدى صوين من هول ما به
حزني عليه انه تسبب ولا طاب=نظرة طبيبه عجلت في ذهابه
ريح الخزامى والنفل زين الاطياب =يشدني ريح السمر في ثيابه
لا اقبل نسيم به خيل وركاب =وله في طلوع الشمس عز ومهابه
الله الله على هذا الذوق الرفيع والله الله على هذه الكلمات الجميله وابيات من العشق العفيف
ومعاني ساميه عليها طابع الفطره البدويه وتغزل البدوي الوفي والعفيف
اخي شاري الموت رائع كل ماتقدمه اختيار موفق وذوق جميل وراقي لقد اخترت لنا هذه الرائعه من روائع ابن الدواسر عاشق حيات الباديه والصوت الحزين لاهنت وصح الله لسان الشاعر ابو عبدرحمن وسلمت يمينك وفي انتظار جديدك
لك مني ارق التحايا واصدقها