[أبوهباش]

لا تسألوني عن سبب كتم الإحزان ؟!!

بس اسألوني عن غيابي وحضوري!!

لا تسألوني عن سبب دمع الأعيان..

بس اسألوني عن دواعي سروري..

لا تسألوني عن تصاريف الأزمان..

ترديدها يرهب ويرعب شعوري..

أجامل أحبابي وربعي والإخوان..

جبر الخواطر صار معنى حضوري..

أعطيهم الفرحة وأنا وسط الإحزان..

وأجبر كسور الغير وأهمل كسوري..

أحيان أحس إني بقايا لإنسان..

وأحيان أحس أني أغيب في حضوري..

فجرت أنا في عالم الشعر بركان.ز

لا ما احترفت الصمت صمتي جهوري..

القلب ميت والمضامين سلوان..

ألغيت أنا في عالم الحب دوري..

من باعني لاشك غلطان .. غلطان!!

أظلمت دنياه من عقب نوري!!

مدري ظلمته أو ظلمني ها لإنسان؟؟

احترت أنا مابين عدلي وجوري..

بس الأكيد انه لعهدي وفى وصان..

ما أمطر لغيري بس ما اسقي زهوري..

علي تجبر وأشعل القلب نيران..

وصار التباعد في هوانا ضروري..

ما اشره عليه بس أنا حيل شرهان..

على سنين ما تقــدر شعوري..

أنا الكتاب.. وعزة النفس عنوان..

وفي عزتي يا بنت قمة غروري..

ولآني على درب المحبين شفقان..

خلي الصدف يا بنت تعلن حضوري..

بالمختصر يا بنت أنا فرحة أحزان..

أنا الغموض وفي عالم الصمت دوري..