[الجكوار]

باح سري يالخوي ماشي كلام
والعيون امست تهل اعبورها

وقفتي طالت وانا بين الزحام
وانتظر بكره يجي طابورها

ماعذر مايطرد الفجر الظلام
والحقايق يعتلي دستورهـــــا

والرجال ارجال تكسب لحترام
بالوفى والصدق تجمع شورها

لابتي يالابتي شدو الحزام
واتركو اللي طاح في محذورها

الردي ولد الردي ماله زمام
يتبع الزله ويرقى سورهـــــــــا

سعد عينه لارقد تحت الرزام
فك ربعه ماحسب مقدورهــــــا

مايضر الجيد في وقته نظام
واللوازم عذبت مامورهــــــــا

والكسب يصنع لراعيه اهتمام
يعتلي القمه ويملك دورهـــــــا

عالي الهمه ولايسمع ملام
راتبه ماقسطه بشهورهـــــــــــا

عزتي للي دوامه بالدوام
طول عمره ماربح عصفورهــا

لاعوز عود على بعض الزلام
باع قشه وانكشف مستورهـــا

(((((((منقوله ))))))
ســــــــــــــــــــــــــلامتـــــــــــــــــــ كــــــــــــــــــــــم