[منبع الشعر]

تسمو كما يسمو النظر وأقرا لها سحـر البيـان
وتغـاب عنّـي واتخيلـهـا مـعـي متيـسّـره
واحلم وأنا صاحي وحالي مثـل حـال الغيهبـان
عظيم . لكـن وجـه حظـه للوفـوق معسّـره
يانور عين اللي على وضح النقـا سـرّ وبيـان
ما قال غير الصدق لو نفـس الهـوا متحسّره


وإني سليل أهـل الأشـده والقلـص والجبخـان
اللـي تضـد القـوم والـراس العنيـد تكسّـره
أموت بالعزّه ولا يشمـت علـي ن ذ ل وجبـان
ولا أعشـق إلا بنـت روس للحفيـف مخسّـره
وأنا ادري إنك بنت عـود لا يهـاب ولاّ يهـان
محشومـةٍ مانتـي لجلبـاب العفـاف محسّـره
وأدري بقلبي مايطيب ويمتلـي فرحـه وأمـان
إلا معـك يامهجتـي والنفـس لـك متفـسّـره
وان ماجلبك الحـظ فالله .. القـويّ المستعـان
راحـت حياتـي حلـم ليـل ماعرفـت أفسّـره

سلمت اياديك ذواق يبن الاجاويد يعطيك الف عافيه
تدري الله يوفقك ابحر في منتديات الشعر ولا عاد ترجع اللا بصيده مثلها يا قناص القصيد
/// كنت اعشق المقناص واختار لسلاب === واصيد من بين الضباء كل مفرود///
عز الله ان هالبيت ينطبق عليك///
قصيده رائعه وجزله وتستاهل لله درَه من شاعر هذا وحلم بعد كيف لو كانت حقيقه