[علي ناصرالخليفي]

يا صانع الوحده شف الموكب عبر -- في ميم شبوه والتحقنا بالركاب

ورحبت شبوه تراحيب المطر -- لوحده وشرعيه فتحنا كل باب

احنا انتصرنا وكله الشعب انتصر -- واحنا حظرنا يوم سلآت الحراب

الاشتراكي حزب غامر وانتحر -- ابدون عوده راح في رحلة ذهاب

في سلَة الاهمال تمَهش واعتبر -- ما له ولا تأثير في الساحه غياب

السرج ياشينه على ضهر البقر -- يظبط عليها الهيج من فوق الرقاب

الله خلقها للبتاله في العفر -- ما هيه للطلعات في روس العقاب

ما تطلع إلا ألسوم وتجر المحر -- ماشي لها بالسرج تسرج بالزهاب

وسلم مقاليده لحزب الؤتمر -- وسلم السلطه وعقد الأكتتاب

شعاره بنات الريح تسبق من عبر -- وتسري مع النجمات لا ما البدر غاب

تطوي المسافات البعيده في القفر -- اركب عليها وبا تساير للسحاب

لكن خيله ذي في الساحه قتر -- مغتي على المحصول اكل ما في الجراب

فظية له الساحه وفي جيب الكمر -- همه على بطنه وما طاله ثواب

حوت يوكل حوت كأنا في بحر -- والديمقراطيه مع قانون غاب

الفرق واضح عندهم بين البشر -- وانته اعلنت العفو والغيت العقاب

يأمر وينهي الدرب قدامه اخظر -- القا علينا شجب في داره خراب

لوضاع ما تعجب ولا الامن استقر -- واتبخرت لحلام غدة مثل السراب

الناس تتقدم على سطح القمر -- واحنا محلك سر عل اللقمه دراب

قولو معي الله يشل المؤتمر -- كما شل ذي من قبل ما جا عل الصواب

هذا كلامي بالمفيد المختصر -- مافي امل مادام في المخصر ذباب

لا خير في ذولاك وذول ادها وامر -- الخير في ارضي وانا اوكل تراب

وحدة بلادي امر مامنه مفر -- القاصي والداني عليه ان يستجاب

اليوم يوم الخير جانا بالثمر -- انتو نسيتونا على حل الصراب

يابو احمد احنا نعاني من ظرر -- وهذا الظرر حاصل وله عدة اسباب

الاوله ذي في تصاعد مستمر -- امر البطاله جاب للناس اكتئاب

والثانيه بؤر الفساد المنتشر -- تكنيس للساحه وتنفيض الجعاب

والثالثه الثار لازم ينحصر -- والحد عل القاتل كما جا في الكتاب

والرابعه المسؤل خادم لي اغتر -- يباشر قظايا الناس لا يلقي حجاب

والخامسه الامن يبغا الامن زر -- ويتحاسب الجاني على اي ارتكاب

والسادسه ايد الحرامي تنبتر -- واحنا لبوس ايده على كل الجناب

والسابعه المرتشي واحد قذر -- ملعون في الدنيا ولو استغفر وتاب

احنا نعاني من تشتت في الاسر -- والجوع كافر سوس بنخر في الصلاب

الشعب ما يرحم اذا كافح ظفر -- وما يهمه التهويش او قوه يهاب

ما لحتمل لا دق ناقوس الخطر -- وقدها البدايه عندكم روس الشعاب

راجع حساباتك ونحنا ننتظر -- اما غلطتو او غلطنا في الحساب

اليوم عيد الوحده الرابع عشر -- ومفروض انَا قد تجاوزنا الصعاب

ثورات في ثورات واحنا في سقر -- واعياد للثورات واحنا في عذاب

الناس ملت ما تعاني من ظجر -- ما ينسكت عنه لبا منك جواب

الانجليز ارحم على عسكر شبر -- واسرة حميد الدين ما قد شخص عاب