فخر الاجيال للشاعر فزاع

[قلب بنوته]

السلام عليكم

علومكم ؟؟؟ عساكم طيبين

اقدم لكم من ايدد القصايد لـ فزاع((حمدان بن راشد ال مكتوم))

يعرضونها على قناة سما دبي وحلاتها يوم تشوفها

بعنوان**فخر الاجيال**

مهداة الى سمو الشيخ


محمد بن راشد آل مكتوم


نائب رئيس الدولة ، رئيس مجلس الوزراء ، حاكم دبي


على وصف الرجال اللي تسمّى بالفعال رجال
لفت بيض العلوم وبيّض الله وجه راعيها

لفت ما كنّها الاّ سبّق الخيل ان بدت تختال
نواصيها النعوت وفي مناكبها.. قوافيها

قصايد والقصايد ما نساومها بجاه وْمال
نعبّ بحورها وان هاج مزملها نرسّيها

إذا امتدّ الفكر وامتدّ ليلي والقصيد وطال
توشّحت الشوارد ولبست الاشعار غاليها

كذب من قال ساعَفني عليها الجن يوم تقال
أنا البس جنّها واصدر مواردها واروّيها

أنا وْلا فخر نجل الشامخ المتمرّس الريبال
على وصفه تجاريني القصايد قبل اجاريها

على (محمد إبن راشد إبن مكتوم) طاب الفال
وطابت لي قبل لا الزم قوافيها.. معانيها

متى قالوا صواريها المعاني.. ما هناك اشكال
حرام انّي لمدّ شراعها لأكبر صواريها

على اكبر منبر ارميها ثنا وْعز وْفخر واجلال
ما دام ان الثنا لأهله.. على اكبر منبر ارميها

لاجل قرمٍ غرس حلمه لشعبه واثمرت الآمال
حقايق نبصر اوّلها.. ونتباشر بتاليها

حقايق واضحه من دون ابو راشد صعب تنطال
تباركها القلوب وتبهر الناظر مغانيها

مغانيها تراود كل عطرٍ ما خطر ع البال
واراضيها يراود كل عاشق فوع ناديها

أراضيها الخزاما والنفل والبختري والهال
وما يخطر على بال العطر يزخر باراضيها

ولي فيها محب أسرف على قلبي وحط وشال
طلب روحي وروحي منه فيها اللي يكفّيها

من اوّل ما عرفته والضلوع تجرّ له موّال
ولا ادري نيّته بضلوع صدري وش تواليها

أنا محتار ما بينه وبين (دبي) بالمثقال
يا أمّا (دبي) له تحلا أو انّه لي محلّيها

أو انّ (دبي) تحلا لان أبو راشد لها خيّال
نعم والله وتسبق خيلها من سبق واليها

(دبي) العِز من طيب النسايم عودها ميّال
تمسّي صاحب القدر ونحن باسمه نمسّيها

صدى داره بشرق وغرب وجنوب التقى وشمال
قبض الاربع جهات يلين داره ذاع طاريها

طغى عزمه على وعر الدروب وله غدت مسيال
تسيل الأرض لاقدامه وتفخر من مواطيها

غريبه كيف جادت به سنينه والسنين بخال؟
والاغرب كيف تضما له وهو بالجود يسقيها؟

لو ان المجد سهل ان كان كلٍ طال منه وْنال
دروب المجد ودروب العلا صعبه مراقيها

طويل العمر ما جيت اعتزي في وصفك الأمثال
ولكن المثايل تعتزيني بك.. والبّيها

يابوي ابشر ترى شبلك توارت عن مداه اشبال
وثب فوق الدروب وسابقت رجله خطاويها

ورث عزمك وحزمك والخصال تجرّ طيب خصال
مواثيقه على طرق المكارم بك يجدّيها

إذا شدّ الفخر لاجلك رحاله قمت اشدّ رحال
على نهجك.. عشان افرد رحاله وارجع اطويها

واذا قالوا: من ادرى بالحصابي والوزون ثقال
عرفت ان الوزون ثقال وانت ادرى بْحصابيها

على الدنيا جدال الاّ انت والله ما عليك جدال
مع ان إيدك يجادل كل وادي سيل واديها

لو ان السحب تنشا من كفوف امست عليك ظلال
وخرّت ساجده لاهل الثرى من جود منشيها

مكارمك المكارم والعطايا من بحرك جزال
لو ان السفن تجري في يمينك ضاع شاطيها

يمينك كم لاحت وابرقت وابطت وهي تنهال
ولا والله تدري عن يسارك كم معاطيها

وكم رجلٍ بصدره حاجه وجاك وقبل لا يسال
عطيته.. كنّك ادرى بالصدور وْسرّ خافيها

وكم حلمٍ سبقته.. كان في عين الزمان محال
تقول المقبلات افضل عليك اسرار باريها

يقولون اختصرت اجيال واقول انته فخر الاجيال
إذا الأجيال بك ما تفتخر.. من يفتخر فيها؟!

وهذي صوره





ارجوا ان ينال الموضوع اعجابكم

[صقر اااااليمن]

صمت الدموع


موضوعك جميل والجميل فيه ابداع الشاعر

تسلم يديك

[قلب بنوته]

الله يسلمك

مشكور على المرور والتصويت

[الشيـ ذياب ـباني]

وعليكم السلام
بخير دامك بخير ياوجه الخير
أنا محتار ما بينه وبين (دبي) بالمثقال
يا أمّا (دبي) له تحلا أو انّه لي محلّيها
صح لسانك ولسانه قصيده روعه

[امـيـر بني هلال]

صـــــــــــح لــــــــــــــــســـــــــــــــــــــانـــــــــ ـــــــــــــــك ياخـــــــــــــتــــــــــــــاه
ولـــــــــــــــــــسـأأأأأأأأأأأأأأأأأن فزاااااااااااااااااااااااااااااااااااااااااااااااا اااااااع
تـــــــــــــــــــســـــــــــــــــــــــــلـــ ــــــــــــــــــــــــــم يـــــــــــــــــــــــــداك على الــــــــنــــقل
الــــــــــــــمـــــــــــــــــــــتـــــــــــ ـــــــــــمــــــــــــــــــــــــــيز
لا تــــــــــــــــــحــــــــــــــــــرمــــــــــ ـيـــــــــــــــــنـــــــــــــــــا من ابداااااااااااااااااااااااااااااااااااااااااااااعك

[قلب بنوته]

اقتباس من مشاركة سـهـم هـوازن

وعليكم السلام
بخير دامك بخير ياوجه الخير
أنا محتار ما بينه وبين (دبي) بالمثقال
يا أمّا (دبي) له تحلا أو انّه لي محلّيها
صح لسانك ولسانه قصيده روعه

دوم ياسهوم

وانا كمان عجبني البيت

صح بدنك

يسلمو ع المرور