|
!!..أشكيلكـ..!!
!!..أشكيلكـ..!!
يا ربي أشكيــلكـ بحالي
شكوى لغـير الله مذلّه
لو مرّ وقتي ما صفالي
محدن بيسعفني سوى الله
--
يا ربّي أتعبني سؤالي
يا عالمٍ بالأمر .. كلّه
من عقب فرقى شخص غالي
قلبي الوحيد اليوم من له ؟!
--
لوّل أنا لـــي خـــلّ خــــالي
واليوم هو عني تخلّى
خلاّني وارخصها الليالي
من عقب ما ضحيّت لأجله !
--
مابا الذي بي ما يبــالي
و لي طيب قلبي يستغلّــه
لازم أنا أنسى اللي جرى لي
والماضي من فكري أشلّه
--
متى متى يرتاح بالي ؟
والقى الذي يوفي لخلّه ؟
وآعيّشه حبٍ خيالي ؟
عالم من أشواق و تولّه !!
--
كلمات : شيخة الكتبي
|
العرض العادي
