الى كل ام تتمنى طفل اقول لها اصبرى زى
انا كان عندى اربع اولاد ولاكن الله افتكرهم الاول بعد التانى وهما صغار صبرت وصبرت ويمكن صبرت الصبر كله انا وزوجتى وخالت زوجتى قالت لها تعالى نروح للحاجه فلانه حتعمل لنا وصفه تخليكى حامل طبعا زوجتى قبل ما تعمل اى شيء لازم ترجعلى فقالت لى الموضوع كله رديت وقولت لزوجتى مين اللى اللى رزقنا بمحمد وعبد الله وعبد الرحمن واحمد قالت ربنا سبحانه وتعالى قولت لها ومين اخذهم مننا تانى قالت ربنا سبحانه وتعالى قولت قادر ربنا يرزقنا تانى صدقت على كلامى وقالت صح والحمد لله انى ما اتسرعت ورحت معاها قبل ما اقولك ومرت الايام والشهور ولما ربنا ياذن بشيء يقول له كن فيكون زوجتى تعبت وللعلم جميع ولادات زوجتى كلها قيصرى والحمدلله المهم تعبت زوجتى روحنا للدكتوره وقالت اعملى التحاليل دى وكانت الموفجاه زوجتى حامل طبعا فرحه ما بعدها فرحه المهم الدكتوره قالت لها لازم اهم شيء الراحه فى السرير وبعد ثمن شهور وده شيء اعجب ان واحده حامل تولد فى هذا الشهر بس عشان الحاله بتاعت زوجتى تستدعى ذلك ودخلت المستشفى وربنا كرمنا ببنت وسمناها جوهره والحمد لله على كده كبرت جوهره سنه ورا سنه ورا سنه لحد ست سنين بدرو عليها لاقيتها قاعده على البلاط وبتبكى وانا واقف عايزاسمع بتقول ايه بتقول يارب انا حفضل كده لوحدى مافيش حد يلعب معايا من اخواتى حتى اخواتى ماتوا بابا قالى كده وبتبكى يارب نفسى فى اخ او اخت وياريت تكون اخت عشان العب معاها انا نديت امها وروحنا لها وحست بينا سكتت واخذناها فى حضننا ودعينا ربنا بس المفروض زوجتى ما تحمل تانى ده كلام كل الدكتره بس انا اريد وانت تريد والله يفعل مايرد ربنا تقبل دعوه بنتنا جوهره وما خزلها والحمدلله وكرمنا ببنت وسمناها فرح ودلوقتى عندها سنتين والحمد لله رب العالمين ودى يا جماعه قصه من حياتى انا يعنى مش تاليف ولا منقوله ولكم منى كل احترام وحب
سلام
09-10-2007, 05:50 AM
النمط المتتابع
