هل أنت مرجوج ?!!؟

[x.boks]

--------------------------------------------------------------------------------

هلا بكم حبايب..






هل أنت مرجوج !!



وإذا كنت كذلك .. ماهو مستوى رجتك ؟


للإجابة على هذه الأسئلة ماعليك سوى إجراء هذا الاختبار ..




السؤال الأول :

انت توك قايم من النوم وطفشاااان ووااااصلة معك .. قمت تغسل وجهك

وتفاجأت بنملة تحاول تدخل خشمك .. ما هي ردة فعلك ؟

1- تمسك النملة وتفقصها بإصبعيك وأنت تضحك ومستانس و تقول :
والله يا أنتي نملة منسمة تبين تخترقيني اجل هاااااه ؟ .. هع هع هااااااي ..

2- توخر النملة عن وجهك و تطيرها وانت تلعن ابو الطيب فيها .

3 - تخلي النملة تدخل خشمك .


السؤال الثاني :

وانت رااااجع من المدرسة .. تلقى الواااالدة منسدحه في الصالة
سرحانه .. ماذا تصنع لها ؟

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول :
الحقيني يمه .. ياقلبي .. قلبي .. وتتخرع أمك عليك و تكلم أحد يجي يوديك المستشفى .. وانت مستمر تقول لها : قلبي .. قلبي ..


2- تجي بهدوء من خلف أمك وهي سرحااانة وتصرخ في أذنها وتقول :
مساااااك الله بالخير .. وطبعاً هي بتنفجع وانت تضحك عليها .

3- تطلع غرفتك وماتسوي شيء .


السؤال الثالث :

انت توك ماخذ لك قيلولة على كيف كيفك ونااازل الصالة إلا
وتشوف خواتك الصغااار عند سبيس تون طااايرة عيونهم .. ماذا تفعل ؟

1- تجي وتسوي نفسك مقروص تناقز وتغطي عليهم التليفزيون

2- تجي كنك بتشبك شاحن الجوال وتقوم تفصل فيش التليفزيون .. وتقول : أوه آسف !!

3- تقعد تتفرج وتضحك معهم .


السؤال الرابع :

بعد العشاء اشتهيت تويكس ونزلت تشتريه من البقالة ولقيت سيارة أحد من أقاربك ..
شــنو تسوي ؟

1- تسوي له مقلب .. تنسم كفراته الأربعة .

2- تسلم عليه وتلزم عليه يعزمك على العشاء .

3- تشتري له تويكس معك .


السؤال الخامس :

رجع ابوك من المسجد .. لقاك ما صليت .. وبعدين جاء بيضربك .. شنو تسوي ؟

1- تمسكه بلحيته وتدبجه وتبقس بطنه ( يعني تتغدى به قبل يتعشى بك )

2- تنحاش منه وتفحط به في كل أنحاء البيت وتتزحلق مع الدرج .

3- توقف له وتخليه يطقك .



السؤال السادس :

وانت داخل بيتكم إلا وذيك القطوة طامره في وجهك .. كيف تتصرف ؟

1- تمسكها وتربط رقبتها بذيلها وتدخل راسها بقوطي صلصة .

2- تشوتها برجلك لين تطّمرها سور الحوش .

3- تسمي بالله وتتعوذ .


السؤال السابع : ( خاص للسحالي )

دخل الوالد للبيت واستدعاكِ وقال لك :

يا بنيتي تقدم لك عريس ( ولد الجيران الوسيم العاقل ) .. شنو أرد عليه ؟

1- تطمرين على الوالد وتتعلقين برقبته ( زي حركات اللاعبين إذا سجلوا هدف ) !!

2- تصارخين وتقولين : آآآآآآآآآآآه إيه ابيه ابيه . أخيراً !!

3- تنزلين راسك وتقولين : اللي تشوفه طال عمرك يا بابا .


السؤال الثامن :

كيف تستقبل الأستاذ الجديد في حصته الأولى ؟

1- يدخل ويجدك متعلقاً في المروحة وهي تدور بك .. رجليك للأعلى ورأسك للأسفل .

2- تقذف عليه الطباشير قائلاً : هلا والله ابوالشباب .. حتى يظن أن بينكم معرفة .

3- تنصت له جيداً وتتمنى له التوفيق .


السؤال التاسع :

كيف تتلقى النكتة البايخة من مديرك في العمل ؟

1- بضحكة استهزاء ( هع هع بايخة )

2- تقول : خلصت النكتة ؟ !!

3- بابتسامة مجاملة .


السؤال العاشر والأخير :

بينما أنت تسير بجوار مدرسة أختك لتأخذها من المدرسة ..

إذا بك تسقط على خشتك أمام الجميع .. كيف ستتصرف لتلافي الإحراج ؟

1- تمثل أن بك مرض الصرع فتتنافض بشدة وتتشنج

وإذا حملك أحدهم بسيارته تصارحه بموقفك .

2- تغطي وجهك بشماغك ( تدق اللطمة ) وتهج وتدق على اختك تجي مع زميلتها .

3- تتحاشى السقوط وتقف بسرعة قبل أن يراك أحد .


********************************

النتيجة

أعط نفسك لكل اجابة بــ
رقم 1 عليها 10درجات
رقم 2 عليها 5 درجات
رقم 3 عليها درجة وحدة



من 91 -- 100

أنت مرجوووج جداً مع مرتبة الشرف الأولى !!..

حالتك خطيرة جداً .. فقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية و ماقدامك إلا العافية .



من 51 --90

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك بتجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

اكل عصفور قبل الأكل مرة واحدة في السنة كفيل بتحسين حالتك شفاك الله .


من 10 --50

يا أخي انت ماانت في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغوا يسافرون .
الحل : تحتاج الى كورس رجة مكثف




لوووووو منقووووو وووووول

[بحرالاحزان.]

هلا وغلا فيك معنا في الوناااااااااسه تشرفنا


ويسلموووووووووووووووووووو على الموضوع يالغالي

[@sho999sho@]

هههههههههههههههههههههههههههه
تسلم يالغالي على الموضوع

[توفي المنتوفي]

2- توخر النملة عن وجهك و تطيرها وانت تلعن ابو الطيب فيها .

3- تطلع غرفتك وماتسوي شيء .

1- تجي وتسوي نفسك مقروص تناقز وتغطي عليهم التليفزيون

3- تسمي بالله وتتعوذ .

3- تنزلين راسك وتقولين : اللي تشوفه طال عمرك يا بابا ...<<<<<يصير خير..

3- تنصت له جيداً وتتمنى له التوفيق .((مجرد فضول))

3- بابتسامة مجاملة

3- تتحاشى السقوط وتقف بسرعة قبل أن يراك أحد .


النتيجه..

من 10 --50

يا أخي انت ماانت في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغوا يسافرون .
الحل : تحتاج الى كورس رجة مكثف

ههههههههههههههههههههههههههههههههه

يسلموووووووووووووووووووووو