ماهي الحريه برأيك..... ؟

[ابو حمزة]

ماهي الحريه برأيك.....
سولفت مع الف واحد وواحد معهم
كلهم يقولون ياخي لو اني حر تفسي بسوي وبسوي(طبعا كلها اشياء مو زينه )

طبعا قلتهم وبعد ما(تسووون وتسووون) قالوا (بنسوي وبنسوي) طبعا اشياء العن من الاوله

يعني الحريه انك تسوي اي شي نفسك فيه(اتوقع انه شي غلط )

يعني اتوقع ان الي يستاهل الحريه هو الي يقدر يضبط نفسه ويتعامل عاى اساس انه فرد مسؤول اما الي بيقعد يسوي الي يبي ولا هامه احد هذا يستاهل التربيط مو المراقبه بس

عموما عطونا ارائكم الحلوه خلونا نستفيد...........

[falcon]

الحرية اخي علي صالح محسن

هي بطريقة موجزه .الحرية هي ان تاخذ حريتك كامله دون ان تمس حرية ومصالح الاخرين.

وسلمت

[همس الورد]

الحريه هي حرية كل فرد مع مرعاة الغير

ومراعاة حقوق الرب اولا

والحريات انواع فمنه حرية القلم وحرية التصرف وغيره

شكرا لك اخي لطرحك لهل الموضوع

تحياتي

[غرام الدنيا]

والله صدقت الاخت همس الورد في كل كلمة قالتها
بس اريد اضيف انك اذا كنت حر في نفسك هذا ما يسمحلك تتعدى وتتطاول على الي حواليك
باسم الحرية الشخصية اذا انت كنت ساكت ومحترم الناس مع ان في ناس ما يستحقوا الاحترام
و أعطيك مثال حي من عندنا :
البنات عندنا في الجامعة كل وحدة فرحانة (بالكمبيوتر المحمول )مالها وتشوفها لما تقعد ،تحط موقع أغاني وترفعلك الصوت (وتكون هي حاطه اصلا سماعات)وتصورنا بالصوت ..آآآآآآآآآآآآآه بس
ما ادري تريد تلفت الانظار ولا ......لحد الحين مش عارفه
والله العظيم اني ساعات اقول في نفسي ليييش ما اقوم اشلها من شعرها و اخليها عبرة و عظة لغيرها ww
بس اتراجع و اقول عييب قدام الناس والاساتذة.
شو رأيكم في هذا الموضوع؟:-

[جاهل]

الحريه بوجهة نظري ان تاخذ كل مالك وكل ما عليك
دونما ظلم احد ودن مخالفة الشريعه الاسلاميه

[علي عوض]

	الحرية في نظري هي الإسلام... نعم الإسلام جاء بالحرية وحدد ضوابطها وصبغها صبغة جميلة تجعل القلوب تهفو إلى هذه الحرية ، حرية ملتزمة بالآداب والأخلاق.. حرية الكلمة ، أن تقول كلمتك أمام الجبابرة والطغاة ولاتخشى في الله لومة لائم..