اخر ما اتصور انى انجرح

[foogogo_foogogo]

اخر ما اتصور انى انجرح

الهم ما استر دمعتى ما تنزل ساعه وداعى

لحد ما احضر شنطتى والم فيها اوجاعى

كنت بتحسد على ضحكتى دلوقتى ما لهاش داعى

فى مركب العشاق قصتى يحكوها على شراعى

كنت حاسس بسمتها بسمتى اتاريها سبب خداعى

ورق الحب خلاص دبل وبلمه بايدى ودراعى

كل الحب ما يزيد بينا كنت بحس انى فى جنه

انجرحت بسهم جارح ما فيش طبيب دواه

جرحتينى جرح تانى عمرى فى يوم ما حنساه

وانكتم جوايا صوتى واتحاش الانين

شفت بعينى موتى معاكى من سنين

الامل بيه حلمت والالم اتحملت وظلم وصبرت

وعلى حبك ندمت انى فى يوم اتسرعت وحبيتك

وفى قلبى خبيتك وفى حضنى دفيتك

وبكل معانى الحب وجوارحه لفيتك

بعقد من ماس وفى نن عينى حطيتك

وفى الاخر تقولى للناس انى نسيتك

شعورك ايه دلوقتى شعورك ايه لاخر وقتى

حتفرحى يمكن حتندمى مش ممكن

مش هاين عليكى تمدى ايدك ليا

مش هاين عليكى تمسحى دمع عنيا

هانت عليكى كل السنين ديا

حطمتى اللى بينا ودمرتى كل شيء فيا

وانتى فى قمه السعاده وقفه تبصى عليا

كلمه اخيره حقولها والوداع يكملها

الوداع يا كلمه حب عشتها

الوداع يا ورده رقيقه ما جرحتها

الوداع يا دنيا جميله شفتها

الوداع يا ساحه ورد فرشتها

على جرح قلبى ودعتها

الوداع فى انسانه جرحتنى

شكيتنى لكل الناس

وانا فى قلبى حفظتها

[foogogo_foogogo]

F:\اطباق فطار.jpg

[الصالحي5]

مشكور على هذه الكلمات ولاكن ارج ذكر اسم القائل

[سلاف]

كلمات جميله تصنف في باب الخواطر مش الشعر ، فالخاطره هي كل ما يراودنا
من خواطر وأفكار وهواجس فنكتبها مبعثره ، لكن الشعر كل ما نشعر به من أحاسيس
ومشاعر فيأتي كلام موزون ومرتب ، الشيئ الثاني يأخي لا يوجد شيئ أسمه حب
أنتهى زمن الحب اللي هو زمن قيس وليلى وأن كان فيه حب أبدي فهو الحب المشروع
بين الزوج والزوجه وليس الحب المحرم إلى متى أخوتي ونحن نقط في سبات عميق
وغفله لا نفيق بعدها إلا وقد فات الأوان ، أفيقوا نحن أمة محمد يجب أن نكون أقوياء
لا ندعى تلك السخافات تتملكنا وتستحوذ علينا وتشغلنا عما هو أهم ، فبادروا بالتوبه
لعل الله يتقبلها منا ونكون من الفائزين برضوانه عزوجل 0

[foogogo_foogogo]

اولا اشكركم على مروركم ثانيا وده الاهم انا الموضوع اللى مش مكتوب عليه منقول ده بيكون من تاليفى لانى بكتب شعر وقصائد ورسايل واغانى وبئلفها وبلحنها وبغنيها وكل ده بفضل الله عليا انا عندى استعداد كل يوم اكتب شعر بس المهم الناس اللى تدينى روح معنويه زيكم كده واشكركم مره تانيه وتقبلوا مرورى وعلى فكره الشعر ده كتبته وانا مسافر من شهرين بلظبط سلام

[سلاف]

كل شكر أقدمه لمن أبدا تعلقه هنا ، ولكن العفو يعني توجد اختصارات كما ذكرت آنفا
لا أحبذها أتمنى من الأخوه المشاركون في موضوعاتي بعدم اختيارها وهذه الاختصارات
موجوده بالجانب الايسر سأوضحها فيما بعد