الله الله عليك يا بن لزان والله انك مبدع ومثقف ، ولك الشكر والتقدير على هذا البحث الاكثر من رائع ،والله يرحم بن شامت رحمة واسعة اكررررر شكرا لك ولك خالص االحب والتقدير
[poem font="Simplified Arabic,5,,bold,normal" bkcolor="transparent" bkimage="http://forum.sh3bwah.maktoob.com/images/toolbox/backgrounds/34.gif" border="outset,4," type=0 line=0 align=center use=ex num="0,black"]
بن شامت بدع وانتدب=خرج في حدود الادب
واسمع بايجيك العجب=ياذي تستمع دان دان
اسمع بايجيك القصيد,=برقية ونوعية جديد
من شاعر كلامه مفيد=وانتو فتحوا الاذان
شاعر قد تعلم وفاز=وحصل وسام امتياز
والناموس عنده قزاز=ياشعار هذا الزمان
والحاسد علي وش يقول=سوى الزندقه والفضول
والهرج الردي و الخمول=مايقفاني الا الجبان
وش بايقول في الخفى=وناذي شروعي وفاء
ماعول بهرج القفى=لانه مابحالي لسان
دق العود طاب السمر=يافنان صوتك يسر
دقه لاجل واحد نفر=له في قلبي اغلى مكان
نومي من عيوني سرى=حما طاري اسمه طرى
ساهر يوم هو مادرى=لما الفجر شعشع وبان
كم لي لف حوله ودور=كني قد فقت الشعور
يوم القلب ماهو صبور=شك انه يقع بي جنان
كم يا كم عيني تشوف=من ذي يقطعون الوصوف
لكن في جميع الظروف=ما حبيت مثله انسان
الان اسمعو ما احتوى=باعطيكم وصوفه سوى
حسب المعرفه في الهوى=سجلتة بخط البيان
طبعه فيه بعض اختلاف=نافر مايحب الولاف
لا يغرك كتاب الغلاف=لاتسمع فلان او فلان
واخلاقة تساوي وطن=من بوظبي لما عدن
لاجده وصنعا اليمن=شل اخلاق كل الزيان
وان حيث قد الهرج فوش=يتكلم بعد القروش
اخرنا ونحن طروش=والغيت السفر في ثمان
والقامه من اخيار عد= مثل العسكري لاستعد
مايسمح مرورة لاحد=من جا قال فات الاوان
وانهو الجعد فوقه نثير=لمسه مثل الحرير
وارياحه من احسن عبير=وانهو لونه الارجوان
والوجه الرحيم الرضي=مثل القرش سعره حضي
مايلقاه من عارضي=ربك ذي صنع ذا وكان
واعيونه على ما اعتقد= مرحومات من كل بد
فيه الصدق نحوي وجد=فيه العطف فيه الحنان
وانهو الخشم مصبوب صب=من بين عيونه انسكب
سيف الحق عند الطلب=يشبه سلة الهندوان
والمبسم خفاه اللثام=كنه قطعه من جهام
من شافة في الارض هام=يحسب سيرة بالبنان
وعنقه مثل الغزال الجميل=في الاعناق ماله مثيل
مايسمح لذي هو دخيل=غالي في مكانه مصان
وانهو الصدر مزموم زم=عاجز عن وصفه القلم
فيه الحسن والزين تم=من قارب حده يهان
وان جينا لوصف الخصور=خصرة ينتمي لظمور
مثل الصايم بلاسحور=والا قبضة عيلمان
وقف لاهنا وصفنا=, وانته يارفيق اعفنا
عاده ما حصل شفنا=والدنيا عوافي دنان
هذا وصف شاعر حنون=يبدع على كل لون
عدى حدود الجنون=جاوز فترة الامتحان
ماباقي الا الصلاه=على المختار حبيب اللآه
عداد مافي سماه=انزل حملتة في القران[/poem]
[poem font="Simplified Arabic,5,,bold,normal" bkcolor="transparent" bkimage="http://forum.sh3bwah.maktoob.com/images/toolbox/backgrounds/37.gif" border="outset,4," type=0 line=0 align=center use=ex num="0,black"]
قال بن شامت انه الليله تغوش =غوشه لي بدى مثل القمر في الدريشه
من صباح الله اصبح عاد شعره منفش = يغري القلب بالشفاف يقطع حريشــــه
حط في العنق حلق ولبه رشرش =فوق صدره محلى والدبل والنيشـــــــه
قلت بالله يا مولى الجبين المنقش =أرحم القلب يا بو ظفاير نفيشـــــــــــــه
قال ماشي بحولك لاتجرى وتتبلش ==عاد من دونك المربي والشرطه عليشـه
روح لك روح لاتصبح بسببي مكلبش =وانته باين عليك انسان طالب معيشـــه
احرج القلب واحرجني ونويت مطرش =من كلامه انا تغثيت اه يا خس عيشــه
ريته وانه معي ما دام الفطر طنش =ما نصبح الا سوى انا واياه في خيشه
حيا الله اقوام تمشي ناقلين المحدش =ما يهابون حد مهما بلغ ظلم جيشــــــه
منظر الزين غوشني وقدني محرش =اوه ما احسنه اوه مااحلى جهيشـــه
ذكر القلب لي مايلبس الا مرعش =لي حط له في الكبد غرس يحرم حشيشه
والله اني من اول كنت في الناس مغتش ==غشني ذي لعب بالفكر ايام طيشــــــــه
لكني اليوم انا باقولها كلمة احرش =تبدل لك البهذله ياولد بن عفيشــــــــه
هايلي لي تسبب في عذابي مقرش =ابو الثمان الريش ماليوم يمشي بريشــه
ياعرب كان يا ما كان ماضي تنبش =وانتهى كل شي واليوم نفسي غويشه
دايم القلب والارسال عنده مشوش =ماتوضح لنا بإسباب رادار بيشـــــــــه [/poem]
تسلم ويسلم غاليك من الشر اخوي ابو حمد والله انك ابدعت في هذا البحث عن شاعر الغربة بن شامت رحمة الله علية ، نسال الله ان يوفقك ويعافيك اخي بن لزان يعلم الله انا نحبك في الله وانا لكن لشخصك الكريم كل الحب والتقدير ، اشكرك من كل قلبي ونيابتا عن اخواني ال خليفة نتقدم لك بشكر الكثير على اهتمامك باحد وابرز شعراء ال خليفة ووفقك الله لكل خير وتقبل تحياتي
النمط المتتابع
