يا هلااااااا بالشباب الطيبه
وش قلت انا ما قلت لا حد يدخل خخخخ
اخوكم هايم نايم توه قايم
وجياكم وجايب لكم سالفه ما بعدها سالفه
وتصدقون
تصدقون
تصدقون اكتشفت ان حريمنا وبناتنا حبيبات وانهن يعزون الاناقة عز مابعدها
ماشاء الله عليهن الله لايضرهن..
واللي يبي يشوف هالابداع من جد يسأل او يشوف (اذا قدر يشوف) بس انواع الاناقات ياساتر..
من اجل الأناقة تعالوا معنا في رحلة مع بنت جاتها دعوة لحفلة عرس واحدة من صديقاتها
البداية
جهير .. بنت نايمة على فراشها مالها بالشيطان طاري وانواع الساعبيل تدغدغ طرف شفتيها لترسم خريطه العالم القديم على مخدتها المزركشة برسمات توم وجيري
وهي في عز نومتها يدق جوالها بجانبها وتقوم مفزوعة
وترد علو < === تراها الو بس تخبرون صوتها يبي له تسليك عقب النوم
وبعدين تمغيطة ايييييييييييييييييييييييييييي مين
ترد عليها مليقيفة خويتها جهير جهير شفتي دريت توني جاتني دعوة لك زواج خويتنا اماني شفت كيف البنت انخطبت وبتعرس مو مثلي ومثلك الله يخلف علينا واقف حظنا قطيعة تقطع الشباب ماعندهم نظر ولا انا وانت بنات نقعد بدون عرس لهالحين
في هذه اللحظةجهير كانت تغط في نوم عميق وحاطة الجوال جنبها وميب يم خويتها بس يوم سمعت طاري عرس وهي تقوم تقول وشو اماني بتعرس؟؟ وشلون تعرس قبلي والله اني احلى منها وتجلس هي وخويتها يحشون شوي في اماني العروسة قبل ما كلن تروح في حال سبيلها.
البحث عن فستان مناسب
جهير بعد ماقفلت السماعة قعدت تفكر هالحين وش البس في عرس اماني؟؟
بدات سلسلة من الزن والنق وعلعلة الكبد على امها يمة اماني بتعرس وهي اعز صديقاتي ولازم يكون عندي فستان حلو جديد عشان اطلع حلوة..
وحرصا من الام على صحتها وتعبيرا عن حبها لابنتها قالت بالطقاق روحي اشتري اللي تبين ..
جلست جهير تبحث عن فستان يليق بالمناسبة وراحت تدور في الاسواق الين استقرت على كسوة مناسبة من ثلاث قطع لونها ذهبي مغطاه بطبقة كثيفة من الترتر
واللون الذهبي مايليق عليها ابد ياحليل بعض البنات تبي تمشي ورى الموضة باللي هو به حتى لو ماتليق عليها اجل تلقى بنت لابسة بنطلون ذا ماادري وشسمه اللي بدون كمر ومطلعة سرها وسرها كله مليان قطن وكرشها متدلية وحالتها حالة ولا شيرت كت وزنودها مترهلة تجيب المغص الفكري وشو المغص الفكري ماادري بس هو شئ شين يصيب من ينظر الى زنود مترهلة
وبدأت مشوار اللفلفة على الخياطين والمشاغل واخذت جهير قماشها وراحت تدور وتدور عن خياط مناسب يعرف كيف يفصل الموديل اللي مختارته وكل مرة تروح للمشغل تقيس و ترجع تسب تقيس وترجع بيتهم تسب (ودي ادري ليه الحريم ماعمرهم رضواعن فستان ابد من عند الخياطين ولا المشاغل).
ليلة العرس
من بعد صلاة الظهر وجهير تهدد وتتوعد كل من في البيت لااحد يشغل السواق تراني ابيه عشان يوديني الكوافيرة عشان عرس صديقتي الين قلبت البيت قلب وغثت اهلها مغثة مابعدها..
وبعد صلاة العصر راحت الكوافيرة وقعدت الكوافيرة ساعة تطلع الفروق العشرة بين عيونها وبين فتحة انفها ومادلت خشمها الا لما عطست .. لان خشتها من الاصل غير محددة الملامح
وبدت تصلح في خشة جهير تحط معجون في جهة تضرب سلقون في جهة ثانية تليس جهة حطت حول جهير سور شينكو كاتبة عليه مشروع تحسين خشة بنت رقم المناقصة 8889
تمعط في هالشوشة شوي الين قدرت شوي تفردها
وجلست عندها ثلاث ساعات ا لى قبل صلاة العشاء بشوي ورجعت البنت ووجها من كثر البخاخات اللي عليه صاير كانه جدار بحارة زنوج في اميركا انواع الالوان لدرجة انها يوم طلعت عند باب المشغل كان مراقب بلدية مار اعطى المشغل غرامة وضع لوحة دعائية بدون تصريح
ورجعت البيت هقوتكم تضحك؟؟
الا تبكي وتصيح شفتوا كيف خربت المكياج كل مااقول ماعاد اروح لهذا المشغل ارجع واروح ماعليكم من طويلة راحت تلبس فستانها الذهبي وبدت تنادي خواتها فلانة بالله عطيني اكسسوارك الذهبي عشان يجي مع فستاني وتنادي اختها الثانية فلانةماعندك شنطة ذهبية تجي مع فستاني وسبق لها ان استعارت جزمة الله يعزكم من جارتهم الشاهد انها راحت العرس وهي كلها سلفيات
وطلعت من البيت ولابسة عباتها ورابطة شال الفستان في شنطتها (ودي اعرف هالحركة ليه يسوونها البنات تشخيص يعني؟ ) ودخلت العرس وهي لابسة فستانها اللي ييبرز اكتافها وطالعة السيور الشفافة عشان تمسك شسمها لاتطيح (اخاف اكتب وش هي يجيني باند) وحركة صايرة تلق.
بعد العرس
رجعت جهير من العرس وهي مسفهلة ورقصت الين طاح اللي في راسها (البكلات والقمل والشباصات كل شئ طاح ) ورجعت عاد وبدأ التقرير الليلي للعرس تقرير عاجل
شفت فلانة الله باخذها على اللبس من جد ذوقها دمار شفت علانة مااقول غير مالت وهذه وهي بنت فلان كذا تلبس من جد ناس حتى النعمة ما تنظفهم
وبعد الحش تروح عاد تبدا مرحلة اعادة الوجه لحالته الطبيعية تجيب لها قوطي كريم ازالة مكياج وخمس كراتين مناديل وتبدا تمسح هاللي على خشتها
يعني ساعتين مكياج قبل وساعتين مكياج بعد
ووووووو
يازين بناتنا
هايم نايم يرحب بكم خخخخخخ لا حد يدخل
النمط المتتابع
