منو خاطره بكابتشينو :)

[uAe eVe]

حبيت اشارك مع حوائيات شبوة بطريقة معتمده لمدمني الكابتشينو مثلي

طبعا كنت من فتره قاريتها على النت وجربتها ومافارقتها خلاص اعتمدت عندي

المهم نخلي الكلام الزايد على جنب ونبدى بسم الله:

المقادير:

نص كوب نسكافيه

نص كوب سكر عادي

نص كوب ماى باااااااارد (ركزوا على بارد)

الطريقة:
تضرب المقادير السابقه بالخلاط (انا اخلطها بخلاط البصل ماركة براون وتضبط)
او خلاط الكيك لين يصير لونه بني فاتح ومثل الكريمه

نضع كريمة الخليط بالثلاجه

نسوي حليب عادي ساخن ونضيف السكر على حسب الرغبه..والكمية على عدد الاكواب المراد تقديمها

نضع بالكوب ملعقه كبيرة من الخليط السابق اللي بالثلاجه ونصب عليه الحليب الحار ونحركه خفيف
بتلاحظون رغوه على السطح

تقدرون ترشون كاكاو او شوكولا مبشور

وبالعافيه على قلوبكم

[ملكة العرب]

السلام عليكم ورحمة الله وبركاته

وما أروعها من مشاركة اختى uAe eVe

وتسلمى على طريقة الكابتشينو المعتبر

وسعداء بتواجدك ويانا بالقسم فالله لا يحرمنا من تواجدك الغالى

لكِ تقديرى

[uAe eVe]

شرفتيني بردج الغالي
وماقصرتي اختى ملكة العرب:)

[:::AbeeR:::]

مشكووووورة على الوصفة الحلووووة


:::

[أمة الله]

uAe eVe

فديتج والله .. محتاجة لها الوصفة الحين والحين بالذات لاني في فترة امتحانات يعني السهر راح يكون على اصولة ..

ولا يهمج ومركزة على كلمة بااارد ..


الصراحة فتحتي نفسي ^_^

تسلمين غاليتي على وصفتج ..

وننتظر جديدج دوووم .

أختج أمة الله^_^

[uAe eVe]

العفوو اخت عبير وتسلمين الغاليه:)

أمة الله ..الله يسهل امتحاناتج وييسرها آمييييين
وشطوووورة دامج ركزتي على بارد:)
شدي الحيل في الامتحانات وبالتوفيق ان شاءالله
وتسلمي على الرد الحلو:)