بســـم اللة الرحمن الرحيــم
اخواني الاعزاء اقدم لكم هذه القصيده الشعريه من اقوال
الشاعر المرحوم / محمد بن صالح باســـــرده
وهي جواب على
الشاعر المرحوم / علي بن ناصر البـعســـي |
[poem font="Simplified Arabic,6,,bold,normal" bkcolor="transparent" bkimage="http://forum.sh3bwah.maktoob.com/images/toolbox/backgrounds/2.gif" border="none,5," type=0 line=0 align=center use=ex num="0,black"]
قال بو ناصر توكل برب البريه = طاب قلبي وقد طاب القلم بين ليدات
سوقنا طاب للبياع والمشتريه = داخل سوق لافية ولاعشر فيات
تالي الليل جاني خط محكوم طيه = فية ابيات ومحمد مرحب بالبيات
قول اثر علي في كبدي الداخليه = قول باطل ومن ذا البطل اطلعت ونات
كل دينار باتلقي ثلاثين كيه = من قرب حولها يصبر على كل كيات
قل لبن ناصر البعسي كلامك نحيه = غير معقول ما جبت الكلم مستويات
جبت مهراء ولاهو على الطريق السويه = وانت عاقل ومولى العقل مايقول زلات
قلت جردان لك وعياد والبقيه = والمشارع وكورة باهدى والصفيات
ورث من بعد جدك او لقيتة وصيه = او هويتوة من باب اللعب ولهويات
وقفوا من كلام الجهل وش ذا البليه = بصواب هرجو لاتهرجوا بالخليات
ذي ذكرتوها تحت الراية الواحديه = واحدية ومحلولة بلحياء والموات
من تولع بها يبشر بكاس المنيه = دونها نار لاتقولون راحة وجنات
باالاشارة الى قوالك ونص القضيه = حول نعمان ونسيتوا بيوم الحويلات
رخصوا لك صحاب الحدة القابليه = عرفوا بك طرق ماهم على طيب نيات
رايهم مختلف ماهم على طيب نيه = نفسو لك وخلو لك في الحبل ليات
نفسوا لك خزى نعمان مرة سويه = ذي رضيوا بقتل المرزقي في الخليات
راح ذاك الزمن والازمة الداخليه = واتفقنا وصفينا جميع الحزازات
واتجهنا سوى للازمة الخارجيه = بانجابة كذا الازمات من حيث ما جات
ساعة النطح يامولى القرون العتيه = جربوا حظكم لامعك في القلب حنات
قال باسردة محمد بيوتي نقيه = قولي الصدق يضوي نور من حيث ما بات
قول ان الوطن هذا عزيز عليه = قول هذا وكرر في جميع المجلات
موت عند الوطن مافي كلامي خطيه = لاتعزا ولاتحسف على كل مافات
وانتة مجني على محمد وعندك جنيه = يوم تشبر حقوق الناس مجني وبات
وحمدو ربكم في جنب ولا في شويه = واسمعوا ذي نزل من ربنا حكام وايات
قد خبرتك في رسالتي الاوليه = لاتمسون حق الناس ظن وخليات
ثانياً ياعلي مالك علينا دعيه = غير لك ناس بالعاني تبث الدعايات
والمصليين ذي هم يخلون بعض التحيه = ساعة الضيق مابيغلقون التحيات
واصلة كلمة محمد معد هي بطيه = سالك الستر ياعالم جميع الخفيات
راجعوا شيخكم يا الامة العولقيه = راجعوهم ويتخلون عن بعض لصوات
شبر من ارضنا مافية عندي قديه = ارضنا اعراض الشعب هيهات هيهات
في جنوب الجزيرة تفرقة عنصريه = والزجاء من جبل صيرة ومن بحر حقات
دونك الموت يامولى الجيوب النديه = قول هذا وباقولة مراراً ومرات
قول عني وعن الامة الواحديه = والمواشي وحتى ذي في الخبت حيات
كلهم منكرين الرطنة الصومليه = ذة مهمة وقدهم ينكرون المهمات
تم قولي عساء من تم يذكر نبيه = الف صلوا على احمد وكثروا بالصلوات [/poem]
اتمنى تنال اعجابكم
تحياتي |
النمط المتتابع
