|
قصيدة عايض بن هدّاف بن غيده القحطاني (على النضم الهلالي)
قصيده الشاعر الرائع عايض بن هداف بن غيده القحطاني
الهلاليه اللي القاها امام لجنة شاعر المليون وشكك في
ملكيتها الشاعر حمد السعيد لجزالتها وصغر سن الشاعر وشاعرنا القا
قصيده اخري هلاليه ليواصل ابداعه ويثبت جدارته انقلها لكم هنا مع التحيه
[poem font="Simplified Arabic,6,white,bold,normal" bkcolor="transparent" bkimage="http://forum.sh3bwah.maktoob.com/images/toolbox/backgrounds/3.gif" border="groove,7,teal" type=2 line=0 align=center use=ex num="0,black"]
يموت الشعور اللي لـه النفـس نايبـه=الا شاح خير الوقـت وابـدى مصايبـه
تخيّرت في الامثال واخترت مـا مضـى=من اخـر زمانـي لاول الوقـت جايبـه
جزيـل النشيـد إلمـا طرالـه يحدّنـي=تسلّمت وصلـه عقـب دفعـة ضرايبـه
ضرايبهْ شغـل البـال والهـم والسهـر=ونتايجـهْ ميقـافٍ لـه النـاس هايبـه
عسى الله يعين اللي من الوقـت مبتلـى=تضكّـه همـومٍ بيـن الاضـلاع ذايبـه
سبايـب عـداوات القرايـب وحربـهـم=بوقـتٍ عـداي تحـث يمـي نجايـبـه
يقول التميمي يـوم غنـى مـن البلـش=ومــا آفــة الانـسـان الا قرايـبـه
مثل شوكة المعقم علـى البـاب فعلهـم=تصيبـك الا قفّيـت وان جيـت صايبـه
ضعيفين الانفـس ليـت حيـي وحيهـم=تباعـد مـدى خمسـة وتسعيـن نايبـه
تعلّيـت باسماهـم علـى كفـة الـمـلا=ولاخفـت وقـتٍ كـان يركـي عقايبـه
الين اغرضوا لي ظلم من غير مصلحـة=وعليّ استهـدّوا كـل عرجـا وسايبـه
وانا والذي صليـت مـن عظـم هيبتـه=ما عمري عنيت وسرت في درب عايبـه
مخافة يعـود الـذم فـي جـال حقهـم=او يقـال عـاب اللـي مجانيـه طايبـه
ابخبرك ياللـي عبـت فعلـي ومنزلـي=ماتغنيـك قولـة نفسـي اليـوم تايبـه
ترى الوقت مثل الوقت لـو دار وانتحـى=غرايـب زمانـي فـي زمانـك غرايبـه
لـك الله رب الارض والكـون والسـمـا=عظيـم المقـام اللـي جـزال وهايبـه
ما يصمل الا ارتثت محازمـك وارتخـت=سوى اللي تجرع مـن كلامـك مصايبـه
اذا رماح خلانك شكت سطـوة العطـش=انـا مـرويٍ راس السنيـن وعصايبـه
واذا سيوف خلانك شكـت حـر غمدهـا=انا حـد سيفـي شاكـيٍ مـن ضرايبـه
حليمٍ ما اقابل راعـي الجهـل بالجهـل=والا اقبلت احل اعقـود الامـر ونشايبـه
كريمٍ ما احسب احساب ما اعطيت فالورى=عفيـفٍ تـرده شيمتـه عـن طلايـبـه
شجـاع ٍ الا حـزّت ولــزّت ودقّــرت=ما اهاب العدو لو سـاق يمـي كتايبـه
ولا ارضى الهوان لمن عنانـي ولاذ بـي=ولـو كـان دنـعٍ هافـيـاتٍ ترايـبـه
لاتاخذ علـي ياعاذلـي سـرع زعلتـي=ترى القلب نزر ولا استمع كـل راي بـه
على سر جـدانٍ مضـوا فـاأول الزمـن=زعلهـم سريـع وطوعـوا كـل نايبـه
رواسي عبيده جعـل منـت بخصيمهـم=نهارٍ مـا عـاد لطالـب العـذر ثايبـه
كناديـةٍ تـروي عطـش جـرّد النمـش=بيـومٍ علـى الطاغـي كبـارٍ ذهايـبـه
تنشّـد عـن التركـي ويعطيـك علمنـا=عـد جـا لخـدٍ رايـح الغيـث دايبـه
مسحنـاه مـزنٍ لمعـة الشلـف بارقـه=ورعـدهْ المدافـع والمثولـث سحايبـه
لاجل عين من صاحت تبـي فزعـةٍ بنـا=شربنا الدما في عطفـة المـوت رايبـه
وتعـزوى بعزوتنـا حبابـي وجحـدري=تعنّز حرق لو هو عمى الخصـم شايبـه
حقايـق رجـالٍ مـن قديـمٍ ذكرتـهـم=لاجل شرح رمـزٍ عنـه الافكـار غايبـه
طحاطيح وقـت مـات ذكـره وذكرهـم=غـدى فاللحـود ولا بقـى الاّ زلايـبـه [/poem]
|
النمط المتتابع
