بسم الله الرحمن الرحيم
احدى قصايد الشااااااااااعر المرحوووووم // علي بن يسلم بن حمد بلعووووور العمري |
|
[poem font="Simplified Arabic,5,orange,bold,italic" bkcolor="transparent" bkimage="http://forum.sh3bwah.maktoob.com/images/toolbox/backgrounds/3.gif" border="none,4," type=1 line=0 align=center use=ex num="0,black"]
بديت بك يامن بعبدك خبير=يافرد ياعالم بالسرائر
يابالنجم عسى حسابي يسير=ليلة امسي في المقابر
وفي الاخره حيث مالي بصير=ان كان وجهك وانت ناظر
يارب عفوك يالعزيز القدير=واستر علي ياخير ساتر
واغفر ذنوبي وماكتب في النضير=يامن غفرت لام الكبائر
وعيال آدم كل ابوهم هذير=وعادهم مسلم وكافر
واحد في الجنه ولآخر في السعير=لابانت اهوال المناكر
ها قال بوسالم سمعته صرير=وهرج ماهو لي بخاطر
غثاء علي في الليل وبغيت حير=ما انا بهذا الهرج هامر
وبعد ياعاني باليوم النوير=بارسلك بالخط باكر
طرق على هل جنح مقصد كبير=دي بحرهم مافيه ماهر
سلم على شيبانهم والصغير=يملاء حبطهم والمحاظر
وبعد لا تقهويت وضحى هجير=واسرح على خير الدواسر
ممساك في واد فني خضير=معمور ماهو شي بداثر
للحيد لسود والجبل مستدير=يملاه باغصان المشاقر
سلم على العاقل ومنهو جبير=ومعن دفره والمحاجر
ومذيب خصه بالسلام الكثير=عداد ما رسل كل ماطر
قله معنى جيت عا الرجل سير=ماجيت مخفي جيت ظاهر
سلام من شاعر للقوافي خطير=من واد محمي بالعساكر
وادي دغل محمي بدوله وامير=من ديعه ما سار شاكر
في الارض كمن شبرها شبير=وبردوها بالشرف هي والميازر
حالو على ضعفانها والجوير=من ميفعه لا دقم جاسر
في كل وادي يطرحون الضمير=ما صيبو في مال جادر
والميل عاده في البحر النفير=مابعد دقل في الغب شامر
حط الدقل ما بين صيرة وصير=ولواب مابين القوامر
ملقي لوالب تعصر الماء عصير=في كل بندر بايسافر
يشحن من العنبر وعود الكسير=واللول فوقه والجواهر
حتى ولا الكوس تعكر عكير=لاقد عزم ما بايناظر
لآبآن حال النواخذ على العـبير =بـ يقع لهم فـت الـحنـاجـر
في البحر باتسمع لبوهم صـرير =مـن جور لمـواج الزواهـر
وقلة الكـابر دحق على الشــبير =ما جـاء على روؤس الشوابر
ريت الحّرث بـ يجزرونة جزير =دي هوة هويجة ما يجـابــر
ياذي قبضت الحّلي ما نتة بصـير =عطـلت لمـواج الزواهــر
ريتـك ذريت بر ماهوة شـعـير =ما نتـة فلس في الحب تاجر
في القّيض من حَّبَ الحجل تستمير=ما توخذة والســعر قاصــر
ما ذا معك في الواد مسناء وبيـر =با تسعــره والمال جـــادر
مال السّـمق وبلـيس غّرك غرير =لمـآ ادخلك في ديَـنً كافــر
بآن الهـرج دي هـوة ســرير =قـل للفـريدي ذري ناصـر
ضاع الحجل ولقيت قهوة مـرير =ياذي من الحّــر مات سـاكر
وحـمد بزرتة بالديـانة بــزير =وهو جّحد عــادة منــاكر
يقـول ما عنــدي لـواحد ذرير =كما أن بقعاء فـآي عــابـر
هتـفة بكم من قـبّر عبدالكـبير =وحـمد بني عيـسى المهـاجر
بـ تصيبكم يا هل الثياب الحـرير =مابآ تـخلي عظـم جـــابر
واليوم بآن الحـال وبرآ صـرير =بيـن الرديحـة والمعــافـر
ولعآد في الشارح ولافي النفـير =خلو طـريـق الغيـّل داثـر
بّنه من الجـمآل حـط النــشير =وصاد لـة في الجـنب خاطـر
قد سآرو العـرآف هل با مـّدير =وأهـل السيــاسة والـدوائر
مآ العمبرة دي خرجت في عَمـّير =ســاقوا خبرها في المـواتر
والخـير في غيـل هل باوزيـر =ومن كذا عنـــد المشــاجر
احنا علمّـنا قـد بلغنـا حّذيـر =كل ا لقـُبّل أهل البنـــادر
هذة السـنة جبتـوا معكم فكــير =تباه يكتب ويقراء في الدفـاتر
لكـن قاضيـنــا بربه فـكـير =بـالتبعة ضرب الحـناجـر
في المدرسـة لا تدخلون الفقـير =لآ مامعة شي قلب جاسـر
وأن قد دخل بالحسّبة في الكـوير =مابآ يقع لة رزق ياســـر
ومذيب ملآ يهــزها في الجفـير=ولا قــدة في الحّد زاقــر
من شل مال الناس يطـرح صبير =مـن لة حق بايكـاســـر
ما حد يقـع لة مال حــد بالهدير =لا بيصـل عنـد الزواهــر
.................................. =من لــة حقـيقـة بايغامر
والختم صلوا على البشير النذيـر=مآ زار بيتة كــل زائــر
صـلوا على المختار البـــدير =شفـيعنا في يـوم حاشــر [/poem]
تمت
مع خااااالص تحيااااااااااتي
النمط المتتابع
