|
تعالو تعلمو كيف النذااااااااله!!!
تعالو تعلمو كيف النذااااااااله!!!
--------------------------------------------------------------------------------
اليوم بعطيكم دوره على الماشي بالنذاله وصدقوني النذاله لها فوائد وراح أقولكم وش الفوائد بنهايه الدورة
الدرس الأول
اذا انت مسوي عزيمه يعني عشا
بعد ماتغسل افتح المويه الحارة الحد ما تشوف الدخان
وسكر المغسلة وشوف الي بعدك وش يصير بحاله
بس اضحك من قلب وقول سلامتك
الدرس الثاني
اذا جاك واحد ماتبيه وسويت له شاهي
لا تجيب بياله ام عروه ، جب له كأس
وصب له
وامله للآخر علشان مايقدر يمسك الكاس
واذا كانت الخدامه ما تعرف تسوي شاهي خلها هي اللي تسويه يستحسن
الدرس الثالث
اذا كان عندك ضيف دمه ثقيل وتبغاه يمشي
خل واحد من الشباب يدق عليك جوال كل
شوي وكل مره كلمه على انه واحد ثاني
وقول " لالا والله مقدر الحين عندي ضيف
يمكن بعد عشر دقايق "
ولا تنسى شي مهم لا تلبس ساعة عشان كل شوي تسأله كم الساعة ؟؟
وإذا كلمك لاترد عليه على طول من أول مره سو نفسك ما سمعته
رد عليه بعد نص ساعه
الدرس الرابع بالنذاله
اذا اتصل بك واحد دمه ثقيل وثرثار
رد عليه باختصارات
الحمدلله ، ايه ، لا مادري ، يمكن الظاهر، أحاول ،
واذا طوّل
اوهمه انك تكلم واحد جنبك اذا شفته بعده يثرثر
وإذا ما خلص استخدم حيلة الخط المقطوع
وقول " ألو ألووووووووو وينك
ألوووووووووووو يابو الشباب
الظاهر ان الخط انقطع " بعدها قفل السماعة ... بس وتفتك منه
الا اذا اتصل ثانيه ساعتها عاد الباقي عليك دبر عمرك ..
كل شئ أعلمك إياه
دق علي وأقولك كيف؟؟
الدرس الخامس بالنذاله
واذا بغيت تجنن الخدامه ادخل المطبخ واشرب نص كاس عصير
وكأنك مو متعمد كب الباقي على البلاط
وافتح الثلاجه وطلع سلة الفاكهه وخذ منها شي بسيط واتركها على الطاولة
وخذ صحن وانت طالع من المطبخ وارمه عند الباب قل واااو وشلون كذا ياالله
وأطلع
واذا نامت وهي بعز النوم صحيها وقولها تسويلك عشا
ساعتها بيكون الضغط عندها ألف
بس الخوف انها تحط لك سم ماعلي منك تقول ...!!!!!!!
الدرس السادس بالنذاله
واذا كلمك خويك على الجوال وحسيت انه مستعجل
ويبي منك شي سلف والا شئ مهم قله :
" ترى ماسمعك الصوت مشوش ويقطع ألو ايه ايه معاك الو وووو وينك "
ورد على كلمه وحده وطنش بالباقي وشوف شيصير له
|
النمط المتتابع
