المعلقة الثامنة للشاعر جمعان بن شرثان

[ذيب االليالي]

كلمات القصيدة

: : : المعلقة الثامنة : : :

[poem font="Simplified Arabic,6,black,bold,normal" bkcolor="transparent" bkimage="http://forum.sh3bwah.maktoob.com/images/toolbox/backgrounds/17.gif" border="groove,7,gray" type=2 line=0 align=center use=ex num="0,black"]
ألعب بالأبيات لعب بليه بالكوره = والشعر عدة بحور وغصت أنا بحوره
وإن كان به فلسفة لهل الشعر بتفلسف = بقول شعر(ن) يخلد بعدي سطوره
إحساسي إن الشعر دولة وحاكمها = أنا زعيمه وساكن في أفخم قصوره
وشفت القصيدة حبيبة لي وتعشقني = تسكن معي في القصر بالحيل مسرورة
والأبيات خدم عندي بالأمر تأتيني = لحتجتها جات منهية ومأمورة
وكل شطر(ن)يحاول يسبق الثاني = مع إنها كلها قدمي وفي الصورة
وكل كلمة تعاند مع خويتها = والثانية خاصمت الأولى ومقهورة
ومافي حرف(ن) من الأحرف يعاندني = والأحرف طوابير كل(ن) يحتري دوره
ونقاط مادلت أحرفها من الدهشة = ضاعت من أحرفها دهشة ومذعورة
وفكري كما الكمبيوتر هو يبرمجها = كل المعاني بوسطه دوم محصورة
وناظرت أنا ساحة الشعّار ومستغرب = اللي على الشعر له سلطة وله شوره
حاس الجمل كلها وغيّر مواقعها = جمل رفع حطها بالياء مجرورة
وجاب أحرف بجمله مالها خانة = وعنوانه أرخاه وحطها بوسط الصورة
ولكن مهما تغيّر داخل الساحة = كل الحقايق عرفناها ومخبورة
شعّار وفحول جزلات(ن)معانيها = لكن هالفحل قد غاب جمهوره
وفي شعّار يدبل شعرهم كبدي = تقول ورعان وتشخبط إبسبورة
وإن ماكتبو زين واجتهدوا بنفصلهم = والمشكلة إن بعضهم شعّار مشهورة
وأشره على كل من ينشر قصايدهم = وهذا يبيّن لنا الإعلام وقصوره
الإعلام ناسي فطاحل مادرى عنهم = متجاهل إبداعهم ماإهتم في ظهوره
عصر(ن) غريب(ن) وسطه عالم أغرب = والأغرب إني بجيل(ن) ماأفهم شعوره
عايش بعصر(ن) ولكن مهوب بعصري = عصري مضى له سنين وولت دهوره
مضى معي متنبي والحمداني = وبشار الأعمى وأبي نوّاس وخموره
ولو كنت من جيلهم حطيت لي بصمة = وحليت لي مشكلة بالكتب مذكورة
المتنبي وسيف الدولة أصلحهم = وماكان أحمد عرف مصر(ن) وكافوره
وكل المشاكل تحل البيت من شعري = والحمداني إبيت يزين منظوره
وصير بالطيب أقرب من ظلاله = وأبو فراس(ن) يغيب وتكثر عذوره
هذه أماني وانا ماني محصلها = أطلب لبن للأسف من عند عصفوره
وكنت أتمنى أعيش إبعصر يسبقهم = عصر الجهل ولّت سنينه مع شهوره
مع أمرؤ القيس والأعشى وابن أبي سلمى = وأعيش وسط الجهل وتزعم عصوره
وأعيش أنا بينهم جاهل ومتعلم = أجهل أن في الردى وأغيب أنا في حضوره
جاهل منافق ولا أتجاهل بني عمي = رفيقي أعزمه ماأقصر شبوره
وأجهل بهرج القفى والحقد والنمّة = وناس(ن) تسب بقفاي أقول مشكوره
من سبني أو غلط ماأقوله إجابة = وإن زوّد الهرج أنا لعنت طابوره
ومتعلم من المراجل من صغر سنّي = من شايب(ن)الكرم والطيب دستوره
بغيّر السالفة وأحكيلكم قصة = قصة جرت لي مع حلوة وسنيورة
أحبها وهي تفاخر بي وتتباهى = ومن حق لي أحبها والبنت معذورة
لكن هالبنت تعشق من يقابلها = وكم ناقص بكثر ماله جات في زوره
ووالديها أنا عجزت لحصيهم = لكن مافي من اللي وافق آزوره
خطبتها من ثلاثة منهم وعيّوا = وزوجوها لخبل(ن) تقصر شبوره
والناس راحوا مع هالخبل في صفه = وقلدوا في هالخبل في اللبس وعطوره
وفي النهاية أخذت البنت بالقوة = وعيّشتها في الحياة وقبل مقبورة
وعشت جنب الخبل والناس تعشقنا = والبنت عاشت معانا بس مسعورة
تعشق ولا تفرق بين المسلم والكافر = ويشهد عليها الولي ماهيب مستورة
واللي أنا أستغربه أنثى تعشق أنثى = من ضمن عشق البنيّة سارة ونوره
ومابه غرابة زيد يحب حمودي = وحمود ماينقصه ياكوت تنورة
أوضاع بعض الشباب اليوم مختلطة = من بعد خلطه سكن عكسه مالبوره
الناس راحت قدم يامعشق الرِيـوَس = توقع بموترك فقعت ماطوره
هدي أمورك وأنا بحاول أهدي = وبنهي القصيدة قبل لا تصير محظورة
ومعلقات الشعر كتبت ثامنها = من بعد سبع(ن) قديمات ومعمورة
وإن كان شعري هياط إف إيه بهايط = وأقول وأفعل ولا نفسي مغرورة[/poem]