|
الجولة الثالثة من شاعر المليون
☼ ثنيان الرشيدي ـ السعودية ☼
سافرت للبيرق حزيـن ولانسيـت الا الدمـوع
الحزن مايجبر عزى والكسـر مايجبـر كسـر
حزني فراق أقارب راحوا مـراح بـلا رجـوع
اسكنتهـم عهـد الثـرى واحبهـم قبـر قبـر
لهم ممـات باللحـد ولهـم حيـاة بالضلـوع
اعيشهـا متجـدده طـال العمـر ولا قـصـر
مؤمن بمايكتب لي الله واطلـب الله بالخشـوع
يغفر لهم رب البشـر وايمانـي بـرب البشـر
وآقف وكني من بعدهـم لاجريـح ولا جـزوع
أقابل الدنيا بضحكـة سـن وضلوعـي جمـر
وابادل الدنيـا عطاهـا مـن ثراهـا للفـروع
استقبل القسمه رضا واستثمـر طعونـي عبـر
واضحك مثل غيري واشب لبسمة الفرحه شموع
لو فرحتي غفوة عيون الذيب وسنينـي سهـر
واذا طلبت سلمى ركوعي مالقت منـي ركـوع
مانيب راكع والركـوع اللـي ماهـو لله كفـر
واذا سقتني من عيون الـود فنجـال القطـوع
اسقيتها فنجال صبر وقلت يربـح مـن صبـر
وان قابلتنـي بالتحـدي فـز قلبـي للجمـوع
فـزة نـداوي(ن) تعلـم لاسبـوق ولا وكــر
واسرجت لي مهره اصيله ودحمت بين الـدروع
والذل بطن بلا ظهر والعـز لـه بطـن وظهـر
اما عشاي من النحر ولا عساي امـوت اجـوع
والجوع اخير من العشا اللي ماتربـى بالنحـر
آخذ مـن الدنيـا مـدارس للعقـول وللطبـوع
واخذ من الراحه زهر واقصر عمر عمر الزهر
لولا التعب مايضحك الفـلاح لظـلال الـزروع
اخذ الخبر ياصاحبي من صاحبـن عنـده خبـر
والصبح دورني وتلقانـي علـى سلـم طلـوع
ارقى على متن الهرم واخايـل الحـادر حـدر
جيت اتلهى بشربـة الفنجـال ماهـو للقـدوع
لعيون حلـم ابـوي وعيـون الثريـا والقمـر
واقول ياصدر الهموم اللـي هواجيسـك تـروع
لاتفكر انـك منهـزم قـم فكـر انـك منتصـر
لابد حل المشكله من داخلـك وانـت مخـدوع
متكابـر همـك وهمـك لاتكابـرتـه كـبـر
حاول بنوع وخل نوع ونوع نوب يجيـب نـوع
تقلب حجر ويولع الكشاف مـن نفـس الحجـر
تراك رابح منت خاسر لو عطاك الوقـت كـوع
اللي خسرته بالحيـاة تواجهـه يـوم الحشـر
والله كفل رزق الحرار ولا نقـص رزق التبـوع
ولو عذب الانسان مافرغ علـى قلبـه صبـر
☼ سعد مرزوق الحبابي ـ الإمارات ☼
مرت سنين بعد سنيـن والوقـت دار
والمعزة من الذلة اصبحـت منهكـة
يوم شفت الجبال الشم صارت صغـار
قلت هذا الزمان مااظن فيـه ابركـة
ابرق الريش رفرف بالخضيرة وطـار
خلّه يطير دام الحـر وسـط اشبكـه
يقطعك يالمجامل كيف تصنـع وقـار
كيف تتقن فنـون الكـذب والفبركـة
ماعرفنا الحقيقة لين طـاح الستـار
وطاح تاج الملك واصبح بلا مملكـة
وانت ياصاحبـي دام الهقـاوي كبـار
وبعد ماطال وقت شعيل فـي مبركـه
ودي اعطيك رايي واسمعه باختصـار
ان اعجبك اقبله وان ماعجبك اتركـه
لازم تحـارب التقلـيـد بالابتـكـار
واي دربٍ تشوفـه سهـل لا تسلكـه
ادخل المعركة واعزم على الانتصـار
وان كان مامعك فكر ابعد عن المعركة
طف للجهل نار وشـب للعلـم نـار
واي خشـمٍ تعـلا بالغـرور افركـه
ولا تصدق اليـا قالـوا للابـداع دار
لو يبرهن لك الصعلـوك بالصعلكـة
كل موهوب له نهج وميـول ومسـار
يملـك كنـوز موهبتـه ولا تملكـه
فرق حرية المبـدع مـن الاحتكـار
مثل فرق اليد الخطلا عـن الممسكـة
وقوة العزم سيف فـي يـد الاقتـدار
يقطع قيود حظك لـو هـي مشربكـة
والكسل وجه نحس يجلـب الانكسـار
يجعلـك تنظـر مـرادك ولا تدركـه
شف غصون القصايد مايلة للصفـار
يبستهـا ريـاح افكـار مستهلـكـة
بيد شاعر وشاعر خانهـم الاختيـار
مستقيمين بـس افكارهـم مشركـة
والا انا هاجسي بيـن المعاليـق دار
كل ماقلت ابي حبك القصيـد احبكـه
نبت بذر المعاني في ضميري وصـار
خيزران ليـا هـب الهـوى حرّكـه
لين صار لسعد باطراف كونـه مـدار
كوكبٍ شع نوره فـي محيـط افلكـه
والشعر بدون مبدأ منهـج بلاشعـار
كل من يتبعه يرميـه فـي التهلكـة
بس تبقى الجزالـة ماعليهـا غبـار
تدخل القلـب لـو بيبانـه مصككـه
صاحبي دامك تقـول الهقـاوي كبـار
جاك رايي واذا انه ماعجبـك اتركـه
بس لاتزعل ان شفت ابرق الريش طار
خلّه يطير دام الحـر وسـط اشبكـه
☼ عقاب الربع الشمري ـ السعودية ☼
ياعمري والشتا ليله طويـل يكـدر المحـزون
على شاني يلو مافيـك بـرد الحـق تدفابـي
ذبحك البعد..يبست من مطالع هالغياب عيـون
قسم بالله .. من لحظـة وداعـك الله ادرابـي
تغيب!!وينطعن طهر الليالي..والجـروح تمـون
تغيب!!وكن احبابي م مهم لاغبـت ..احبابـي:
يذل العصر عصفوره .. وتيبس مورقات غصون
وتستوطن ضلوعي اهتيـن تبيـن ب اهدابـي
أحبك .. لعنبو مجنى غيابك وافتكـر وشلـون
أبتخيل بشوفك كيـف اعيّـد واطلـق اسرابـي
تحرفنت الغياب ولا دريت انـه هـو المجنـون
تمدنت الغياب وصرت انا مـن بعـدك اعرابـي
تصحويت السهر .. ألين صرت بهالسهر مجنون
لأنـه هـو تهقوابـي وليـتـه ماتهقـوابـي
يمسلم ياعشيري يالحبيـب القاسـي المزيـون
دخيلـك عّـود لبيـتٍ بـه همومـي تسلاّبـي
أدوّر ملح بغيابـك ويرجـع هالنظـر مغبـون
وآطالع وانبهت وآآآمووت والجاني بي ثيابـي
أرتّب زفرة انفاسـي قهـر وآطلّـع المكنـون
كأن مابيـن أصباعـي قسـم بالله أعصابـي
أصيحك. واجمعك. وآرتبك. واتخيلك: مليـون:
يغيّـابـي يغيّـابـي يغـيّـابـي يغـيّـابـي
حراام اللي يصير اني فأرضي مغترب بالكـون
أشوف الناس ماااهم ناس ولا ترابي هو ترابـي
يعمري ليه تتركني على جـال الارق مركـون
تخلّي هالطفش ياشيـن بعـد غيابـك اولابـي
وانا قلبي كما الاطفال ينسى مابه مـن طعـون
حَسَب جرحك من العابه ونادى: عطني العابـي
ايهيجن لك غلا. والحب اعمى .والعتب مدفـون
تعال شوي .. شوف الحزن ياظالم ش سوابـي
عجزت اتخيل غيابك .. حـرام تفّلنـي هلـون:
تخلينـي وحيـد وكـل هاجـوسٍ تمخـلابـي
على شاني عيوني اكذب وقول : الشتا ملعـون
وعلى شاني يلو مافيـك بـرد إلحـق تدفّابـي
☼ عيضة السفياني الثقفي ـ السعودية ☼
البارح احتد النقاش وفـز مـن صـدري كـلام
كم لي وانا اكبت في جماحي وداخلي واتوسلـه
مبطي وناره تحت بضلوعي وتمشي في العظـام
شاعر لياما شاف نفسه شـب ضـوه واشعلـه
اربع سنين احسنـي واقـع بغربـة وانفصـام
اعصي واطيع برغبتي وارفض عنـادي واقبلـه
شاعرعلي حد التعب مخذول واحلامـي حطـام
بيني وبين الناس في الواقـع ضجيـج وبلبلـه
احيان احس اني ضيا واحيان احس اني عسـام
واحيان يسألني فضول الناس واحيـان اسالـه
وش فيك ماتكذب وقلت الكذب للشاعـر حـرام
طيب بلاش الكذب جامل غصب والصدق اقتلـه
قلت اعظم الشعر اصدقه قالوا يوصـل للعـدام
قلت العدام اللي يزيـف مـن حياتـه مرحلـه
قالوا كلامك حاد قلت الشعـر للشاعـر وسـام
والناس فيه ان كان ماهـي غافلـة مستغفلـه
تعبت من قولة تمام وكل شـيء ماهـو تمـام
والبارحة حالـة وجتنـي بالكـلام مـن اولـه
هزت عروش الذاكرة وتساقـط المعنـى وقـام
قومة عزيزٍ فوق صدره من جروحـي سلسلـه
جيت الحياة وداخلي شاعر خطف عقلـي وهـام
يبنـي علـي مستقبـل انسانيتـي مستقبـلـه
ماله شبيه الا الضيـا يحتـج قطعـان الظـلام
بين انكسار الجوع واستعطـاف حـب السنبلـه
تعبت اروض فيه واطرافي علي طراف اللجـام
ان طاع وان ماطاع تبقـي مشكلتنـا مشكلـه
حصلت نـاره نـار ماحصلتهـا بـرد وسـلام
تقتـل طموحاتـي وتبعثهـا جـروح مثقـلـه
للحب جيت اكتب ولا رفرف علي اوراقي حمـام
احس حتى اللـي كتـب للحـب حبـه يجهلـه
احمل قلق واحمل تمرد داخلـي واحمـل نظـام
واحمل قصيدة من خيال انسان عـادي مهملـه
قلت انسجم حصلت في العزلة عن الناس انسجام
كنّي وطن والشعر كنّه طفـل وجروحـي هلـه
انسان واحمل داخلي شاعر خطف عقلي وهـام
يبنـي علـي مستقبـل انسانيتـي مستقبـلـه
☼ فالح بن قشعم الهاجري ـ الكويت ☼
يالله انّي في ذراك .. امـن الشعـور الغابـي
ومن تسوّل بعض الأنفس .. والفؤاد .. وشونه
لا أنكسر حلم الطموح .. وغلقّـت الأبوابـي
وضاق رحب الكون والواقع .. تغيّـر لونـه
أحمني مـن زلـةٍ ن يفـرح بهـا المغتابـي
ومن كدر وسع الصدور .. وعبـرةٍ مكنونـه
فاح ريح العود .. والطاري طـرى وأنسابـي
وأنسجم بيـت القصيـد .. لراعبـيّ الحونـه
وأسفهلّت بسمة الفكـره .. ونـال أعجابـي
كـل بيـتٍ فـي قـوام المتـرف المزيونـه
مترفه من غيّها .. يحسب لها الف أحسابـي
ومن عيون الحاسديـن وحقدهـم مصيونـه
درةٍ ماحـافـهـا الـخـيـال والـجـلابـي
من وراها السيف الأجرد .. والمشوّك دونـه
ومـن محاسنهـا تواضعهـا بحسـن أدابـي
ومن كرمها .. تكرم اللـيّ بيتهـا ينصونـه
ومن ولاها لهلهـا .. تفخـر بهـا الأجنابـي
ومـن تعليهـا تباهـا كـل نجـم بكـونـه
ومن طهارتهـا وعفتّهـا .. لبسـت أثيابـي
ومن تسامحها .. تباهـا كـلّ نجـم بكونـه
وكلّ لون يليق فـي عـود الشنـاق النابـي
لا أطرقّه صفق الهوى .. عرّض هواه أردونه
السـواد بطرفهـا .. تغضـي بـه الأهدابـي
كنّه موصـى علـى نجلّـه .. وحبّـة نونـه
والحمار بخدّهـا .. يعنـي هـدوء أعصابـي
وله نصيـبٍ مـن شفاياهـا وفيـه أنمونـه
والبيـاض بوجههـا يقـرا عليـه أكتـابـي
من سخط كيد الحسـود ونظرتـه واعيونـه
والخضـار بموقهـا يفـرح بـه الأعرابـي
أيتـزوّلـه ربـيـع بموقـهـا يـرعـونـه
طامـحٍ شامـت مـن الخطّـاب والعـزّابـي
تصفق أصبعها .. لعشّـاق الهـوى وأفنونـه
كثـر ماجاهـا مـن العـزّاب والخطّـابـي
شامـت وشامـت لشيـخٍ شعبـه أيحبونـه
من ولاها له .. ولاها من غـدر الأصحابـي
ومن طمع حلم الطغـاة .. وزمـرةٍ مغبونـه
مـدّ جــوده للبعـيـد يـعـمّ والاقـرابـي
كلّ دولـه عمـرّت مـن شيكـه ومليونـه
لين صـار اسمّـه مثـل تضربّـه الأشنابـي
مـن تهقوابـه بطيـبٍ .. ماتخيـب ظنونـه
لأقبل اليوم العبـوس .. وشنّـت الأصعابـي
حـلّ عقدتهـا وحمّلهـا بحـمـل أمتـونـه
عشت ياشيـخٍ غـلاك بـدم شعبـك دابـي
وكل شعبك بالـولاء لـك يعلنـون العونـه
صـفّ واحـد مانحيـد .. وصفّنـا ماهابـي
دون ابوناصـر فـدا .. أعمارنـا مرهونـه
ومايزعزعنـا تطـرّف .. وأنحـلال أحزابـي
شلـةٍ متشرذمـه .. وأفكارهـا مجنـونـه
أتـزوّل بالـسـلام .. وسلمـهـم كـذّابـي
وكـلّ منهـم نيتّـه مـدحـورةٍ مقـرونـه
الكويـت أمحصنّـه .. وأزنادهـا سبّـابـي
دونهـا ظلـعٍ متيـن .. وقـوّسٍ مسنونـه
أن ضربنا كـلّ سلبـي .. ينقلـب لأيجابـي
وأن بطشنا نركـي الجمـره علـى غليونـه
كلنـا مـن دونهـا ستـر وذرى وأحجابـي
ومن يخون بديرتـه جعـل السنيـن تخونـه
شاعرٍ تشرف علـى ذكـر القصيـد ونابـي
وابـن قشعـم لاتكلـم كلمتـه مضمـونـه
صـفّ واحـد مانحيـد .. وصفّنـا ماهابـي
دون ابوناصـر فـدا .. أعمارنـا مرهونـه
|
النمط المتتابع
