|
القصيده التي ابكتني
تعتبر من احزن القصائد وهي قصيده لعجوز اودعها ابنها في دار المسنين .. وطالت المده لثلاث سنوات وهو لم يزورها < ورغم كل هذا كانت القصيده مليئه برحمه الام وعطفها < الله يخلي لنا امهاتنا ويوفقنا في طاعتهن والله يرحم الي امه متوفيه .. اقدم لكم القصيده التي ابكتني لما تحمله من ابيات مؤثر للغايه .. قصيده ( حمدان ياحمدان امك توصيك )
يا مسندي قلبي على الدوم يطريك=
ما غبت عن عيني وطيفك سمايـا =
هذي ثلاث سنين والعيـن تبكيـك=
ماشفت زولك زايـر يـا ضنايـا=
تذكر حياتي يوم اشيلك واداريـك=
والاعبـك دايـم وتمشـي ورايـا=
ترقد على صوتي وحضني يدفيـك=
ماغيرك احدٍ ساكـن فـي حشايـا=
واليا مرضت اسهر بقربك واداريك=
ما ذوق طعم النوم صبح ومسايـا =
ياماعطيتك من حنانـي وبعطيـك=
تكبر وتكبـر بالأمـل يـا منايـا=
لكن خساره بعتني اليوم وشفيـك=
واخلصت للزوجه وانا لي شقايـا =
انا ادري انهـا قاسيـه ماتخليـك=
قالت عجوزك مـا ابيهـا معايـا =
خليتني وسط المصحه وانا ارجيك=
هذا جزا المعروف وهـذا جزايـا =
يا ليتنـي خدامـة بيـن اياديـك=
من شان اشوفك كل يوم برضايـا=
مشكور يا وليدي وتشكر مساعيك=
وادعـي لـك الله دايـم بالهدايـا =
حمدان يا حمدان امـك توصيـك=
اخاف من تلحق تشوف الوصايـا=
اوصيت دكتورالمصحـه بيعطيـك=
رسالتـي واحروفهـا مـن بكايـا =
وان مت لا تبخل علي بدعاويـك=
واطلب لي الغفران وهـذا رجايـا=
وامطر تراب القبر بدموع عينيـك=
ما عـاد ينفعـك النـدم والنعايـا
|
النمط المتتابع
