نكت جامدة بجد وياريت تعجبكوا
1-مرة واحد صعيدى عينوه مدير ملجأ أيتام أول قرار أخده اجتماع لأولياء الأمور.
2-واحد ومراته متخانقين فبطلوا يكلموا بعض
قام كتب ورقة صحينى ستة ونص عشان عندى شغل وحط الورقة على السرير ونام فصحى الساعة عشرة ولقى ورقة مكتوب عليها الساعة ستة ونص اصحى يلا.
3-واحد بيقول لمراته انا بحب فيتراك جدا قالتله وانا بحب محمود جدا جدا قالها بس فيتراك دى مربى وقالتله ومحمود ده عسل.
4-واحد كهربائى اتجوز اربعة عملهم مشترك.
5-دكتور عظام ماشى فى الشارع الكلاب جريت وراه.
6-مرة مسؤول كبير راح يفتتح حمام سباحة كبير فى الصعيد،فكان مدير الحمام بيشرحله مميزات الحمام فقاله : ده يافندم المنط ال20 متر اطلع يا محمدين نط فنط ، وده يافندم المنط ال40 متر اطلع يا حسنين نط فنط ، فقال المسؤول هايل هايل ، فقاله المدير ولسة كمان يا فندم لما نملاه مية.
7-صعيدى مع خطيبته فى الكازينو فالنور قطع..فقالتله: يلا انتهز الفرصة.. قام هرب من غير مايدفع الحساب.
8-مرة واحد قرر يرشح نفسه رئيس للجمهورية..فبتوع امن الدولة مسكوه وقالوله انت عبيط ولا ايه.. قالهم هو شرط!!!
9-مرة واحد صعيدى وقع فى حفرة نزلوا حبل ليه طلع مخنوق.
10-مرة واحد بتاع سمك مات فماشى فى الجنازة بيقول..كان صاحى وبيلعب.
11-مرة واحد صعيدى اشترى عربية جديدة وكانت احدث موديل..وكان فيها كمبيوتر بيكتشف الاخطاء وبيصلحها من تلقاء نفسه..فالصعيدى وهو بيركب العربية كسر الباب اليمين..فقام الكمبيوتر قال:يا أيها الباب اليمين ارجع كما كنت..قام الصعيدى استغرب فكسر باب العربية الشمال..قام الكمبيوتر قال:يا أيها الباب الشمال أرجع كما كنت..فعجبته الفكرة اوى قام طالع بالعربية على الكوبرى وقام طاير من عليه ووقع نفسه قام الكمبيوتر قال:يا أيتها النفس المطمئنة ارجعى الى ربك راضية مرضية.
أيه رايكوا فى النكت لو عجبتكوا بجد ردوا وقولوا اكمل ولا لا.بس بدون مجاملات
أى خدمة يا شباب مع المعلم محمد هندسة
|
النمط المتتابع
