|
|||||||
|
للأعضاء فقط
رفع صور تحميل صور ملفات تواقيع برامج |
العاب بنات - العاب - برامج - صور - العاب كاملة - العاب للبنات فقط - صور بنات - صور اطفال
|
للأعضاء فقط
رفع برامج رفع تواقيع |رفع ملفات |
|
|
المنتدى العامجميع المواضيع العامة |
 |
|
|
خيارات الموضوع | طريقة العرض |
02-23-2008, 11:37 PM
|
#1 (permalink) | |
|
قلم من الألماس ...
|
حــسّــيـتـوا ولا لـــسّــه؟
 واحنا بنقلّـب صـور     حسّيتوا ولا لسّه؟ ولاّ من كتر الصور ولاّ من كتر اللي ماتوا ولاّ من كتر الاغاني والموضات والتفاهة والكور معدش يفرق عندنا ان كنا شوفنا او مشوفناش كأن كل الدم دوت حبر احمر فى الصور كأن كاميرا مصوّرتش وراها واحد قلبه موجوع وانفجر عَمّال يصور طول حياته واحنا بنقلّب صور **********   دي صورة اخوك اللى انت عنه هتتسأل ودي صورة البنت اللى كانت زي نسمة القمر حقيقة هي مش خيال وليها ام وليها اب زي زيك بس ليلها مش موسيقى بتتسمع ساعة السهر ليلها المدافع والقنابل والأنين اللى بيعزف مع النحيب صوت القهر قلبي انفطر وانتو ياعلم محتاسين مين المغني اللى هياخد اللقب مين المغني اللى هيتسمى الملك آه.. ياملك سايبنا ليه ولحد امتى شبابنا بقلوب من حجر ما يحلهاش غير الاغانى والسمر خلاص معدش حد حاسس بالصور يبقى من كتر الصور ولا من كتر السمر وان قلت بيعدى الكلام وميبقاليش غير الكلام واعيش بقلب بيتحرق والشعب بيكمل سفر كأنة راضي بسكته ده لأنه عايش فى الفقر طيب ما الغني معدش بيحس الصور وهى مش اصلا مش صور ********** ده اب والله اتحرق ومعدش لاقي الارض تحتة بتسنده  ده ابن مات الفرق بس انه مش ابنك  ودى ام برضه لكن مش امك ولسّة عايشه زيي زيك  شايفها واقفة فى الصور وفي الحقيقة هي برده ورا الصور ولسة برده بتتحرق ولسة رافعة الايد بتدعي على اللى سارق فرحة الناس كلها ومعيش الشعب فى قلق وبتدعي برده على اللى خان وعلى اللى سابهم وعلينا يمكن بس صوتها مش بيطلع فى الصور وهى اصلا مش صور **********    قلبي انفطر والشعب لسه بيختلف بين الحجاب والمسخرة معدش حد بيعترف غير بالشطارة والقمارة وناس تحب الفهلوة وناس تموت فى المنظرة يا شعب جبتونا لورا شايفين صور متزيّنة لعربيّة حلوة وبنت حلوة وفيلاّ حلوة تحرك القلب فى شره معدش حد بيفتكر أخرة حياته فى مقبرة عايشنها لحظة وهى ايه.. مبقتش طالبة عكننة انا شاب كول عايش حياتي ما تقولش موت ومقبرة كانة سحر ومش حقيقة بس حقة مدام محسش بالصور ده شاب بارد مش في قلبه ذرة ايمان بربنا ودي بنت برضه فاكرة برضه زي ناس بتقول بنعرف ربنا واللى عارف ربنا لازم يحس باي حاجة فى الزمن ده مش كل حس بيبقى حب وصوت موسيقى وطير بيضحك في الشجر مين اللي قال اني بحب مدام بحبي بحب نفسي ما دام بحس بكل حاجة في عين حبيبي بس مش حاسّه الصور فوقي بقى وفوق بقى ياللى انت قاعد وكل يوم بيعدي عندك مليون ايميل مليان صور **********   امتى هتحس الحقيقة وامتى تؤمن بالقدر العيشة مش ورد واماني وامنيات في دمنا ولا اتخلقنا عشان نعيش فى الدنيا نلهي نفسنا ونقول بنسعد نفسنا احنا اتخلقنا عشان نعاهد ربنا على عهد يحفظ دمنا جوّه الصور برّه الصور احنا اتخلقنا نُختبر والدنيا اكبر مختبر مين اللي عاوز كل حاجة فى دنيته بس بعديها في صقر ومين هيسعى في دنيته بصوت سلاح او صوت قلم او اي صوت ويحس ايه معنى الألم ويوجعه لون الصور انا اتوجعت بكلمتي ونفسي اعمل اي حاجة وناس كتير زيي حاسه بذنبها وسعات تكلم نفسها ********** احنا اتخلقنا عشان نعيش اشمعنا دول ما بيعشوش  احنا اتخلقنا عشان نغني اشمعنى دول ملهمش وقت للغنا  احنا اتخلقنا عشان نشجع  عشان فى عز الفجر ننزل للفريق نستقبله والفجر يمكن كان بيدّن بس فجر ايه اللي هننزل من بيوتنا بالآلاف نستقبله احنا اتخلقنا عشان نعيش ونجيب فلوس ونشتغل نختار عروسة حلوه لينا ونجيب عيال وننشغل ونعيش لحد ما يكبروا ويتجوزوا وهكذا ولحد ما يعدّي العمر ونشوف نتيجه عمرنا في كشف مقياس العمل وياترى ناجح زي عادتي فى دنيتي ولا اتلهيت فى المختبر ********** يمكن غلط كل اللي كاتبه يمكن باضيّع وقتي فيه ومش هيعمل اي حاجة لما اكتبه يمكن يعدي علينا واحنا نقلبه ويبقى لون زي الصور اما اللي شاف مقدرش ينظر للصور هيقرى كل اللي اتكتب من غير زهق هيحس قلبي اللي اتحرق هيقولي رأيه فى القصيدة وتعدي زي كلام كتير عاش ومات جوه الورق لو الاي كاتبه مش هيتحس بوجع مش هيقدر يتنفض ويعدي جدران الورق ويغير الدنيا اللي باظت ويهز دمعة كل واحد ياخد قراره انه يغير فكرته ويعيش لحاجة لأخرته وينسى لحظة دنيته يعيش يجاهد اي حاجة اي ذنب معدش قادر يبعده ما هو اي واحد يرمي نفسه لأي نظرة واي شهوة واي غنوة واي واحد رامي نفسه في نار سيجارة واي واحد نفسه يبعد ذنب عنه بس حاسس قد ايه الضعف ماسكه يبقى مش قادر يجاهد وجهادنا فى زمانّا انهجر **********  كانة مكتوب على اللي عايش وصت البنادق والمدافع ما هو برده مكتوب على القلوب وسط الذنوب اللي اتملت على العيون وعلى المسامع مننا يا نعيش نجاهد نفسنا يا نعيش نغني لبعضنا ونعيش ننعنش قلبنا انا مش غلط طول ما الصور دي وراها ناس بتتقتل وناس هنا من اي حاجة بتتسطل سعات بقول اشمعنى انا بنط جوه الصورة ديه واشيلة طفل فى وسط دمه  اشيله زي الاب دوّة واجري بيه اشمعنى حاسس قهرته اشمعنى باقعد زي دول وابكي برضه زيّهم  وكانى شايف دمهم اشمعنى انا وناس كتير عايشة الحياة مستمتعة الصورة بتعدّي فى ثواني زي صوره لأي لوحة فى سكته يا قسوته ده الدنيا هاتعدّي في ثواني زي كل شخص عدى الصورة ديّه ومش هيبقى الا اللي عمله واللي حسه وحسته ********** حسيتوا طيب ولا لسه ولاّ من كتر الصور ولاّ من كتر اللى ماتوا ولاّ من كتر الاغاني والموضات والتفاهة والكور معدش يفرق عندنا ان كنا شوفنا أو مشوفناش وكأن كل الدم دوت حبر أحمر فى الصور كأن كاميرا مصورتش وراها واحد قلبه موجوع وانفجر عمال يصور طول حياته واحنا بنقلّب صور |
|
|
|
||
|
|
|
| خيارات الموضوع | |
| طريقة العرض | |
|
|
برامج - ماسنجر - العاب - فيديو - منتديات- ترجمة مواقع - برنامج - العاب للبنات فقط - تحميل - بلوتوث - جوال - افلام عربي - أفلام - برامج - ابراج – حظك اليوم
النمط المتتابع
