من القصائد الاخيره للمرحوم /محمد بن صالح باسرده

[بـلــعـــــــور]

بسم الله الرحمن الرحيم اخواني الكرام اقدم لكم هذه القصيده للشاعر المرحوم/ محمد بن صالح باسرده وهي من اخر قصائده في عام. 1973م

[poem font="Simplified Arabic,5,,bold,normal" bkcolor="transparent" bkimage="http://forum.sh3bwah.maktoob.com/images/toolbox/backgrounds/2.gif" border="double,4," type=1 line=0 align=center use=ex num="0,black"]
قال بو ناصر سرحت اليوم يافتاح بابه = واستعنت الله رب العرش يفتح كل باب
من دعاء ربه وهو مظلوم بايلقى اجابه = ربنا يسمع دعاء عبده وبيرد الجواب
واسمع الحنات حن القلب من داخل حجابه = وش معك ياالقلب دي حنيت من تحت الحجاب
شي معك فرحه على العادات او جبت الغلابه =لامعك فرحه على العادات زيدها هباب
ريتني مطرب ودق العود وعزف على الربابه =باجمع صحابي صحاب الغيل وصحاب الرباب
بجمع صحابي وبن عثمان بايجمع صحابه = لاتفقنا ونقسمنا الشور بالصبح صحاب
في نصيف الليل حن القلب واذكر شبابه = ريتني برجع من العشرين في حسن الشباب
ريتني صاهر بن المقبوع ولا بن غرابه = والهديه باتجي بكره بزنقوف الغراب
قل للذي جالس على الخزنه يرويني حسابه = وانت جالس على الخزنه وتعرف في الحساب
حساب صاحبي هذا يعاتبني وكثر في عتابه = لاتعاتبني وانا مخلوق ماعندي عتاب
عاتب الرجال ذي على الباب طول في شنابه =شف خراب الهرج بيجيكم من طوال الشناب
بزقر السكان حق الميل ذي تعلق قصابه = دربنا في البحر ياذا الميل بو اربع قصاب
من متى ياذيب يا المسكين شليت الذيابه =وانت لاتسرح ولاتاوي مع هأتك الذياب
صلبوك الناس والقوا جم في عضمك صلابه = واصبحت تعمل لك الثيران عوجان الرقاب
السماء نجم وانا قد كنت متسهن سحابه = وابشروا بالخير ياالحرثان لاشفتوا السحاب
وانا نظرت الشهر قيمني على ساعة مغابه = لاتقيمني سوى لاقفاء ولاشفتوه غاب
والجمل يحمل على الجمال بينتخ نيابه = ياجمل اكال خرج حكمك بنتاخ النياب[/poem]