|
مايكبرني لقب -طلال الرشيد
عند حدك ياكثير الهرج تب
لا تمر النار وثيابك حرير
هذا بيت من قصيده رائعه للشاعر
الامير/طلال العبد العزيز الرشيد
اللي ما راح ننساه أبدا لان كل قصيده من قصائده تذكرنا به
ومن أروع القصائد اللي قريتها هي قصيدته اللي يبين فيها مدى
عزته وفخره.........
صراحه ما أقدر اكتب اكثر من كذا بس
القصيده هي اللي راح تتكلم عنه....
ياصغير مايكبرني لقب
ولا يصغرني الى انكرني صغير
ماخذينا الصيت من جمع الذهب
ولا نسابة شيخ او قربة وزير
كاسبينه من هل السيف الحدب
الجنايز كان ماجاك النذير
صيتهم نجم على راسه لهب
سمعوا الصقهان به وأجهر ضرير
بالوفاء تاريخ ابيض ينتصب
لا حكوا بالحق حيين الضمير
ضيغمين لسناعيس أنتسب
لابةً طلنا بها عرش كبير
عند حدك ياكثير الهرج تب
ولا تمر النار وثيابك حرير
كان لك عزاً بذلي فتعقب
والله انه تبطي وحبلك قصير
أحسب أنك من صناديد العرب
وأثر ساترتك عباتك يا غرير
ماحسب للسوس زراع القصب
والقراده ما درى عنها البعير
لو حسبنا للحسايف والتعب
ما بذرنا للعصافير الشعير
عن هلك أبراي لله وأحتسب
الرجال اللي مجارهم عسير
من قريش المصطفى وابو لهب
والدغالب ما غشت عنهم غدير
لرجال ابن الرجاجيل العتب
والسكات تحل في حال الفقير
نعنبو وقتاً غدينا به حطب
تحرقه نار ويثورها أجير
ما ألومك الزمن سوى العجب
هو بقى غير الكرامه بالجفير
ماأذل وراسي يشم المهب
لو بقى من شمر طفل غرير
وما أهاب ولا يزلزني غضب
الشجاعه ورث...والعاقل غزير
يا صغير مايكبر بالقب
غير من هو كان من دونه صغير
طلال الرشيد
( يا شينها فرقاك تكفى يا طلال)
__________________
|
المواضيع المتشابهه
العرض العادي
