|
>؟<::لعنبوها قصة غرام كل ابوها كلمتين ::>؟< ..!!
لعنبوها قصـة غـرام كـل ابوهـا كلمتيـن
ابتدينـا عنـد احبـك وانتهينـا عنـد بـاي
تـونـا مامشيـنـا فالـهـوى لوخطوتـيـن
وانتها الموضوع كله حتى ماعرف وش خطاي
ونتهت قصّة حياتي بكـل سهولـه تحكميـن
وين احبك؟وين اريدك؟وين ساكن في حشـاي
يمكن انـك ماوفيتـي يـوم جيتـي تعشقيـن
ويمكن انك تحسبينـي بتبعـك مـن دون راي
ويمكن أصلا ماعشقتي بـس كنتـي تلعبيـن
ويمكن انك ماوصلتي فـي هـواك لمستـواي
ويمكن اني ماعرفتـك فالحقيقـه وش تبيـن
ويمكن اني خنت نفسي..يوم اعطيتـك وفـاي
علمينـي فالهـوى ياجاهلـه وش تعرفـيـن
تعرفين انك غديتي (شي)يجري فـي دمـاي
علمينـي فالعطـاء والتضحيـه وش تفهميـن
لعنبو حيك عشانـك بعـت اقـرب اقربـاي
كنت احطك في عيوني تسرحيـن وتمرحيـن
كنت اشيل هموم قلبك وارمي همومـي وراي
كنت اطير من السعاده يوم اشوفك تضحكيـن
كنت ذايب في هواااك مثل سكر وسط مـااي
كنت نايم فالعسل وارسم من الفرحـه سنيـن
كنت اظنك قلب عاشق ماسكن وسطه سـواي
مادريـت الاوانتـي فـي خفوقـي تطعنيـن
مادريت الاوسيفـك بالحشا..رايـح وجـااي
وردة ايه والله ورده بس عرفتـي تجرحيـن
كل شي فينـي جريـح الا فخامـة كبريـاي
ما تأثـرت بغيابـك ويـش يعنـي دمعتيـن
بكره انسى صدقيني وارجـع بكامـل قـواي
ادري ان حنا افترقنـا بـس ابفهـم حاجتيـن
علميني وش كسبتي؟وعلمينـي وش خطـاي؟
اصلا الموضـوع كلـه مـا تعـدى كلمتيـن
التقينا عند ( احبك ) وافترقنا عنـد ( بـاي)
اتمنى ان تعجبكـم ..!!
|
المواضيع المتشابهه
العرض العادي
