|
|||||||
|
للأعضاء فقط
رفع صور تحميل صور ملفات تواقيع برامج |
العاب بنات - العاب - برامج - صور - العاب كاملة - العاب للبنات فقط - صور بنات - صور اطفال 
|
للأعضاء فقط
رفع برامج رفع تواقيع |رفع ملفات |
الوناااااااااسة وسعة الصدرمنتدى جميل لكل من يحب الضحك المقالب مهسترين مجانين عقال بتاع كله |
 |
|
|
خيارات الموضوع | طريقة العرض |
03-16-2008, 01:04 PM
|
#1 (permalink) | |
|
قلم من الألماس ...
|
زواج دحيم الخبل.!! وحصيصه..
السلام عليكم ورحمة الله وبركاته
بقولكم وش صار في ليلة عرس دحيم المواصفات الاسم / دحيم الدلخ العمر / منولد في سنة الطفره الشكل / الاكمام مرفوعة على مدار السنة..الازارير مقطعه خير شر..الثوب مرفوع على الخصر وطالع سروال السنه..العيون حمراء من كثر النوم..الشوشه دااااااايم منتفشه..لين ضاعت اغراض اخوانه يدورونها في شوشته.  الشخصيه/ انواع الصرقعه  و ابو الفللله الي يقعد معاه يرجع محشش و محبوووووب الكل يحبه و خفيف دم..الولد دحيم داشر 24 سااعه مشاكل وتفحيط وخرابيط و هجوله المهم ابوه قرر انه يزوجه يمكن يعقل الولد !!!! ويقوم يخطب له ابوه بنت عمه حصه !!! عاد حصه خبله مثله المهم يوم جاء العرس ولا دحيم طالع مع اخوياه للثمامه يطعسون وابوه يدق عليه الاب: الووو دحيم وينك؟ دحيم : هلا والله طالع مع الشباب لثمامه !!! الاب: جعل تطلع روحك بلا تعال اليوم عرسك دحيم : طيب العرس في اليل يمديني ارجع المغرب الاب: اقول امش جعلي امشي العصى على ظهرك دحيم : طيب خلاص جاي ويقفل الجوال.. المهم ويجي دحيم ويلبسونه ثوب وبشت الخبل ناوي يروح بقميص النوم وطاقيه المهم ويمسكونه اخوانه ويلبسونه ويودونه للقصر دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت ويدخلون القصر ويجلسونه في المنصه وهو يقول ابي اروح اجلس عند القهوجيه ابي افلها معهم واشرب شاهي ( والله منسم مررره) ويلقطه اخوه ويجلسه على الكرسي ويجونه الناس يسلمون المعازيم : مبرووك منك المال ومنها العيال دحيم : هلا ايه طيب يجيب الله مطر والله ما عندي ولا ريال ( قايل لكم مو وجه زواج) المهم ويدخلونه على الحريم يوم دخل (وهو الي يفتح كشرته ( ابتسامه عريضه ويناظر في البنات المهم يوم طقو الطقاقات الا وهو يطمر ويرقص سامري ويسحبه ابوه ويقول اركد لا تفشلنا!!!! المهم ويجلسه على الكرسي وتجي وحده عنده وهو الي يضحك عليها ويقول اوووووه ما تعرفين تلبسين يا الدبه وانواع الاستهبال المشكله امه مسيكينه تبي تفرح به ما درت انه ما يستاهل المهم ويقومون البنات يجون عنده وهو يناظر يقول صح يا الي موب العيال في الاستراحه اممممحق ؟ الا وابوه يدبجه على جبهته دحيم : طيب خلاص انطم المهم يوم خلصوا وهو ياخذ العروس ويركبون السياره المهم ما درى الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟ ملينا من ذا الطقاقات ازعجوني الا وهو ينبسط على حرمته خبله مثله المهم وتقول له حصيصه : دحيم ابسالك سؤال؟ !!! دحيم: أسألي حصيصه : انت الحين تعرف تفحط ؟؟؟ (دحيم : اكيد انا احسن واحد يفحط ( مسوي فنان عندها وهو ما عنده ما عند جدتي حصيصه : والله ورني ابي اشوفك تفحط (دحيم : توهق (دحيم : خليها بعدين موب اليوم ( يبي يصرف حصيصه : افا شكلك ما تعرف هههههههههههاي دحيم : اوريك من الي ما يعرف وبسرعة يلف وطراااااخ في الماصوره على طول والحين حصيصه ودحيم في الشميسي الدور الاول غرفه 123 قسم الكسور الزياره من 9 الى 12 ظهرا و 5 الى 9 مساء ههههههه>>>>> وشرايكم بالعرس "مـ,,ـلـ,,ـطـ,,و,,شـ" |
|
|
|
||
|
|
|
| خيارات الموضوع | |
| طريقة العرض | |
|
|
برامج - ماسنجر - العاب - فيديو - منتديات- ترجمة مواقع - برنامج - العاب للبنات فقط - تحميل - بلوتوث - جوال - افلام عربي - أفلام - برامج - ابراج – حظك اليوم
النمط المتتابع
