|
قصيدة الشاعر خليل الشبرمي التميمي في شاعر المليون
يا كاغد القرطاس خل الزاج =ينثر شعوري واخر انتاجي
دام المتيم موج بوحه هاج =وعسعس عليه الليل وانساجي
خله يفضفض لو لحقه احراج=وسره تعدا ضلم وسواجي
حندس ضلام ارهج فتيل سراج=يرجي شعاع الصبح ينباجي
ودمع الحزين ان هل هل ازواج=من معصرات الهم فجاجي
بيح سدودي مترفا مغناج=وصفه يعجز كل هراجي
حلو النبا حبوب طلق حجاج=عذب اللما والخد لعاجي
شمس النهار بوجهه الوهاج=وليل الدجا مجدوله الداجي
وخنجر ذياب وقسوة الحجاج=وفطنة اياس بطرفه الساجي
والقيروان وقابس وقرطاج=ومهد الذهب وعيون الافلاجي
وجنه ونار وجلنار وعاج=وملحن فرات وغذب نجاجي
والجمر والجمار والديباج=بين الجبين وجيده العاجي
طلعة جمال محصنه بأبراج=فيها يهاب ويامن اللاجي
وعرش الجمال اليوسفي والتاج=حاشه بلا تصويت واحراجي
له نوق شوقي زرفلن افواج=كلي ضما والزين هداجي
والعمر ساعه والدروب فجاج=والله يحقق ما رجا الراجي
ولو لا الرجا ماحجوا الحجاج=ولافكر المسجون بفراجي
والحرب كر وفر واستدراج=والحب حربا مابها ناجي
وش خج قلب فهيد بن مجماج=و خلا خليل يهيم ويناجي
الزين يذبح يالله المخراج=وصد الحبايب موتا مفاجي
والوضع مايحتاج استنتاج=شوفه شفاي ووصله علاجي
و اقول ولا اقول مايحتاج=احسن لي اسكت وارجع ادراجي
|
النمط المتتابع
