هذه القصيده من شيخ الحميراء : مهداه للأخ خالد علي العمري

[بـلــعـــــــور]

هلاء والله بالمرزقي
صح لسانك ياخال

الايا صــاحبي جــبتوا نكـــيره ** كبيره منها الحيود التكسر
وكسرتوا العضام ذي كانت جبيره ** ولاشكيت بعد اليوم تجبر
واخذتو الهيج ذي يعجب هديره ** وشــبرتـوا ودبرتوا بالغــدر
ومـنه خـام بايلقى مـصــيـره ** وربــك بايــرد الشـر بالشر
وامــا شيخكم لانتــه شويره ** عـليك الله لاينـزل ويظـهـر
ومن يبغاء يقود المسيره ** لزوم يبات طول الليل يسهر
ودي يبغاء الزعامه والصديره ** مع العربان حل الضيق يحضر
سلامي للمرزقي في كل ديره ** سلام الفين لك يالوعل لحمر
عــدد لمطار ذي تنــزل غـزيره ** وما القنفان فوق الحيد تزغر

[خالد علي العمري]

المرزقي كفيت ووفيت ،،،، واللة يرحم جميع المسلمين

بلعور ماقصرت وياريت انك انت الي رديت قبل المرزقي

ولكن الجايات اكثر ،،، وبايجيكم الرد قريب ،،،

[وااادي دغل]

غطس شيخ الحميراء في بحيره = وسط بين القوافي اليوم يمهر
خلف بالقول او غشه شويره = او صابه مرض نفسي وهستر
وقل للمرزقي في الوقت خيره = وعسا ربك يسهل ما تعسر
ومن خوته معه جاب الذخيره = وخذ حقه بلا دعوى ومحضر
وفي وادي دغل ماشي سريره = لا باتت مع البصار تظهر

[المرزقي]

تحياتي للجميع

دخل وادي دغل وسط المسيرة ** وهرجه ماعترف لي يوم عبر
وشاخ الواد عامد في قويره ** لباه اليوم يتكلم و يحضر
قضية صاحبك شفها عسيرة ** وما بيقع سوى دي هو مقدر
و من عنده مشوره باستشيره ** وشرع الله واضح ما يتغير
لبا حل القضية بالبصيرة ** وروح ليلنا والصبج بصر

[حصن الغويزي]

[color="Black"]
السلام يا رجال اسمحولي بهذة الابيات حتى لو خرجت شوي عن النص وابا رايكم

المهتجس قال لما برق في الشارة + وحنت رعود والماطر على لصبار
وراح الوعل وراحــــــــــت كل اخبارة + وغابت شمسنا وانطـــفت الانوار
ومضت الايام ونفس الجـــيد صبارة + ولا لة اخ يقف عندة ولا لة جــــار
ظلم في وقت ظروف الوقــت قهارة + ومن بعد البغية ياكل العصــــــــــار
ولا تسئل وعاد الشبل في غـــارة + ولاهو قد نوى باياكل الاشـــــــــرار
وقلنا لة توقف فوقـــــــنا شـــــــارة + عسا ربك يجيب الخير للاخــــــيار
معد حاجة نعيد القــــول وتكــــرارة + ولايمع بنا المدنوم والهـــــــــــــدار
ختمناها بمن قد زانت اخبـــــــارة + وزين الارض ذكرة واشرقت الانـوار

والمعذرة يارجال لاشي طف ولا قصر

[المرزقي]

إحتراما للموضوع وإبتعادا عن الإثارة وتقديرا للشهيد وعائلته المرزقي يتوقف عند هذا المكان