بأستطاعتنا جعل هذا المنتدى افضل المنتديات اذا طبقنا هذه القواعد

[السامر]

السلام عليكم ورحمة الله وبركاته

كيف نجعل من هذا المنتدى الأفضل ؟

* ماهو المنتدى ..!!
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيفك نجعل منتدانا هو الأفضل ؟؟
الحل بسيط

* اولاً : (( تشجيع الأعضاء الجدد ))
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى
والعضو الي دايم يكون الأول في الترحيب ،، حبيب وقلبه طيب

* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل

* ثالثاً : (( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز
رابعاً : (( الكلمة السحرية ))

وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريئك المزيف ،، كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل وشوله تشارك وتتعب عمرك
ويسمى العضو الي دايم يشارك ويحث الاعضاء على المشاركه ،، ياحبنيلك .

خامساً : (( محاربة الشليلة ))

وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،،
ويدخل في ذلك الحروب اللتي يشنها بعض الاعضاء على البعض بقصد السخريه او الممازحه او التقرب بطريقه الخطأ...

سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ،، ياطيب القلب وينك

سابعاً : (( التقليل من المواضيع المنقولة ))

بعض الموضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شئ يطفش ويجب العمى ( وشوله اشترك في منتدى !! .. اجل اقراء صحيفه او مجله او اتابع الاخبار في التلفزيون اصرف )
ويسمى هذ العضو ،،، مخربها .
ثامناً : (( لاتصير خفيف وثقل ))

يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه ،، ويالله يالله نرد على نص مواضيعه ولا نلحق .
تاسعاً : (( التقليل من المشاكل وحوادث السيارات ))

يعني ثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه عجرا وجيب الفزعه
( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء )
ويسمى العضو المشكلجي .
عاشراً : (( خلك ذرب ))

يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذك العضو الي مايدري وين الله حذفه ويرد رد زي وجهه ،، الموضوع في شمال وهو يرد بالجنوب ،، ويخرب الموضوع او يقلبه تشات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول )
ويسمى العضو الي يرد برد في جهه والموضوع في جهه .حووول.

* وأخيراً *

المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا...

[الذيب الخليفي]

جميييييييل جـــــــــــــــــــــــــــــــــــداً


والله كلام زي العسل،،،،وثوابت لو نمشي عليها كان تطور المنتدى أكثر من تطوره الان...



تشكر الف شكر أخوي على هذا الطرح الواقعي الجميل......


ولك مني عواطف الصدق والمحبة ولاأحترام.....


أخوك // الذيب الخليفي

[وسام شبوه]

بسم الله

الشكر لك خوي على هذه النصائح

وفعلآ أن كل عضو جديد أذا وجد

من يشجعه من الوهله الأولى فأنه

بلا شك سيظهر أبداعاته ...

[الزعيـــــــــم]

يسلمو سامرنا
والله احلى نقاط
وبامكاننا نرفع من مستوى منتدانا الى الافضل
حياك ياسامرنا
ودمتم فخرا لنا

تحياتي لك

[عاشقة الجنة]

أخي الساامر ..بارك الله فيك على هذه النقااط الجوهرية والراائعة ...

والتي لو طبقت بحذاافيرها لوصلنا الى قمة النجاح والتطور والترابط الاخوي البنااء ...

والتي لو طبقت سنكوون من المنتديات الحائزة على الرياادة ... والتفوق ...

جميل أن تطبق ولكن للأسف البعض يطبقها فقط ....


يعطيك العافية اخي الكريم وباارك الله فيك وفي الموضووع ...

جزاك الله الخير ودام عطاءك جاريا ...

تحياتي
جنة العشاق

[**أسير الشوق**]

أخي العزيز ....
موضوع جميل ومفيد بالفعل .....

ولكن الاهم من هذا أننا يجب أن نجعل منا جميعا قدوة نموذجية للمنتديات بالمعنى ...
الذي يحتويه المنتدى من المعلومة والمتعة والفائدة ...

وهذا لن يتأتى الا متى ما وجد أعضاء يسعونا للتميز ونحن نحسب الكل يطمح لذلك ...


أشكرك وأتمنى لك التوفيق ...بطرح ما هو مفيد وممتع

أخوك أسير الشوق