شعر صالح الداغش
جيتي على حزة ظما وانا شفاهي ناشفه
يجرح بعضها في بعض وأدمت معاليق الغرام
جاهز ( وربي ) بأرتوي لو قلتي ما في سالفه
تروى عروقي من ظما ويصير في قلبي غمام
ويش عاد لو تروينها من عطف ولا عاطفه
ماصار للما مبتغى وماصار بالغيث اهتمام
حبيبتي كل السنين المقبله والسالفه
سكبتها قطرة ندى بين المباسم واللثام
حتى الخلايا في دمي ف محبتك متخالفه
شي خضع لمهابتك شيٍ نهض لك باحترام
تعيش في سكرة هوى وأوقاتها متناصفه
تتبادل أدوار الغلا أما جلوس أما قيام
في غيبتك كل الهموم ان جات جت متكاتفه
وأنا وحيد ومنزوي بين الظليمه والظلام
نظرة عيونك هاديه لوكان حبك عاصفه
ومحبتك سكة سفر وانا ربطت لها الحزام
أخطيت في وصفك قمر وكل القوافي آسفه
لان القمر يعكس ضيا وأنتي ضيا شق العتام
جيتي على حزة عتم وانا دروبي كاسفه
ماشفت لو رعشة يدي لين انبلج نور الغرام
المواضيع المتشابهه
العرض العادي
