'*·~-.¸¸,.-~*' ( طـــاش مـــا طــاش ) ¨'*·~-.¸¸,.-~*'

[talibbb]

سلام عليكم

هذي قصيدة عن طاش ما طاش


البارحه كن الفضا غرفة انعاش
وانا المريض اللي حياته كسيفه
والهم ذيب للمعاليق عراش
والقلب شيخ واعظم الحزن ضيفه
واليانشدني واحد قلت له ماش
مابه جديد للقديم بنظيفه
ياليتها ضيق في الارزاق واعتاش
اعتاش لو مالقى بعمري وظيفه
وليت السبب حب للاطراف رعاش
كم وليف ما حصل له وليفه
مير البلا لا شفت للدين نهاش
من النفوس الحاقدات الضعيفه
ومن عادتي لاجبتها جبتها كاش
واللي زعل يزعل على كيف كيفه
هذا جواب عاجل لطاش ما طاش
يخزي وجه ناصر ويخزي حليفه
مانقبل الصورة بتفكير حشاش
لاهل القلوب الطاهرات الشر يفه
لاعاش من يشتم اهل الدين لاعاش
ولاعاش من يشهر على الدين سيفه
ذولا هل الدين يالغادر الغاش
ريفك وريف اللي خذ الوقت ريفه
قلوبهم بيضا وابيض من الشاش
وافعالهم عند المعادى كليفه
الله مكرمهم بملة حنيفه
ولانت ضايع بايع الدين ببلاش
بصيرتك بين البصاير كفيفه
بكره ليا جتك المنية على فراش
ومرت حياتك قدم عينك عصيفه
وحسيت في روحك تراقى مع الجاش
ودموع عينك فوق خدك ذريفه
عرفت انك مرتقيلك على قشاش
وانك ظلمت اهل القلوب النظيفة
في وقتها مالك من الموت منحاش
بيحاسبك راعي العدل والنصيفه
ولحد بمرمش لا توفيت برماش
جيفه ومن يبكي من الناس جيفه
إن عشت يا خفاش وان مت خفاش
ما يفقدك غير العقول الضعيفة
وختامها ماني بجايك برشاش
لانها حكمة للسيوف الرهيفه
مير افهم الموضوع يا طاش ما طاش
واترك تفا هات اليهود السخيفة
وسلامتكم
ملحوظة(( في بيت تم حذفة وشكرا)) منقووووول

__________________