|
ياعامر حذاري تأسف ..!! جديد بن لزان
بسم الله الرحمن الرحيم
بعد غياب اعود بهذه الابيات المتواضعه واهديها لبن عمر
أسرح يا رسولي باكر= لا عند العبيدي عامر
شاعر مامثيله شاعر=والشاهد عليه آقواله
قل له ساقني لك فاهد=من أرض الخليج الواحد
ساكن في كنف بن زايد=واحنا لا زهمنا رجاله
البارح علينا مرت=لطمه في الصنيف انحطت
في اللي بالتعصب صوت=مجاناً رسل جواله
لكنك كسبت الشهره=والطفل الذي في صغره
اسمك حافظه بالفطره=في حله وفي ترحاله
ولهذا رخصنا الدرهم=صوتنا على ما نفهم
للشعر الذي به تسهم=في رفع الأدب وإجلاله
جمهورك حضر ما قصر=في المسرح سمعته يهدر
لكنه سرى متحسر=من قهره على زلزاله
مادام اللقب ما ينصف=ياعامر حذاري تأسف
أبوالطيب قُتل ما تحسف=ما دام أتبع ما قاله
ماحد ينتهي من حفله=برنامج ختامه زله
شله من دماغك شله=والدنيا ترى زواله
وجمهورك يريدك تبقى=دايم بالعلالى ترقى
في عمرك عسا ما تشقى=هذا ما أردت إيصاله
واختمها بذكر الصادق=ما الراعد رعد والبارق
يمسي في قنوفه شارق=وما أرخت بالسحاب إرساله
والعفو
|
النمط المتتابع
