|
رد المشعان والعنزي على بن فطيس
بسم الله الرحمن الرحيم
الاخوه الاعضاء وزوار منتدى شبوه لقدحصلت على بعض الردود من الاخوه في السعوديه رد على بن فطيس وحبيت انزلها لكم في منتدكم عفوا منتدانا ارجو انتنال اعجابكم
قال خلف بن مشعان(وابياته اشعلت الفتيل))..
رح ردها عني وأنا بكبر عواقبهـا كفيـل
كان طلعت كذبه فأنا بين العـرب كذابهـا
إن الشجاعه تغلب الكثره وأنا أعطيك الدليل
الذيب يدرع بالغنم ولا يحسب حسابهـا ..
ورد محمد بن فطيس على قصيده مشعان بهـــاذي الابيات..
واليـوم لا والله شفـت القـاف شـاب
صار الشعر كـوره وكـلٍ لـه فريـق
وضاع الهدد بيـن الحديـا والغـراب
وضاع الصهيل مكرمين مـن النهيـق
إلا الرجـال اللـي قصايدهـم عـذاب
اللي بها معنـى وبهـا حـس ٍ رقيـق
لا تشعل الفتنه ولا تطـرد ( سـراب )
ولا يرقـع مـا نقصهـا ( بالزعيـق )
بس العرب ما عاد تـدري بالصـواب
ما ميزو ويش الزفيـر مـن الشهيـق
من جاب (ضيعه) قيل شوفوا ويش جاب
أنا أشهد إنه جاب لـه معنـى عميـق
الذيب كانه ذيـب... يـدرع بالذيـاب
يخلـي الخرفـان للضبـع العـويـق
فــــــــرد على قصيده ابن فطيس خلف بن مشعان وابراهيم العنزي..
رد خلف بن مشـــعان..
من الذي ياتـي علـى شـان يـدرون
انـا اللـذي يـدرون بـه قبـل ياتـي
نجمي سطع من غيـر بيـرق ومليـون
قليـل فـي جيلـي يسـوي سـواتـي
حسـن النوايـا شفتهـا بكـل مجنـون
وسـوء النوايـا جعلـهـا للممـاتـي
ماجيـت اهايـط بـس لا زم تعرفـون
مازعزعـت بعـض السوالـف ثباتـي
لو شلت فـي قلبـي مثـل مايشيلـون
ماكانـت الطيبـة مـن ابـرز صفاتـي
يامحمد ابن فطيس وش فيـك مشحـون
مااخطيت يـوم انـي حسبتـك لقاتـي
ابي اطفي الفتنه وابي انشـدك وشلـون
اسلـم مـن الضيعـه واجمـع شتاتـي
الناس معهـا عقـل ولسـان وعيـون
وقدامهم كزيت.... يمك .........وصاتي
ماجيتـك ببيـت مـع الشعـر مدفـون
جيتك علىوضـح النقـا .....ياغناتـي
ماني من اللي في قفا النـاس يحكـون
عيـب علـى ألحـق خويـي حصاتـي
اللـي لياقفيـت عنهـم....... يهـدون
ماهـم بكفـو لرجعـتـي والتفـاتـي
سكرت اذانـي عـن وكالـة يقولـون
وذكـرت لـي بيـت يفسـر سكـاتـي
الله يجيبـك مـن بعيـد ن الـيـا دون
والله يحطـك باللـقـا مــن تـلاتـي
رد ابراهيم العنزي(ابو ريماس)..
ارسلت لبن فطيس صوط من عذاب
وسميتها لعيـون نـوت المنجنيـق
ماني وانا ابراهيم دكاك الصعـاب
ان مارشقتك في قطـرك ولا تفيـق
هذا مع اني مكنسل بيـوت العقـاب
ادري تليق اشياء واشيـاء ماتليـق
اخطيت في بيتك وجنبت الصـواب
اثرك طلعت بشنق من جنب الطريق
والذيب ماعمره درع وابك بذيـاب
كحلتهـا واعميتهـا ورب العتيـق
ياقشر لاطاح الرجل طيح الذبـاب
يستبدل اللي تكرمون عن الرحيـق
والله لو ماخفت من يـوم الحسـاب
لاعطيك بيت يورث بقلبك حريـق
النبح يابن فطيس ماضر السحـاب
وايه الفلز يغار مـن قـدر العقيـق
يكفيك يابن فطيس سوط من عـذاب
سميتهـا لعيـون نـوت المنجنيـق
|
النمط المتتابع
