أنا وسام تفخر به والدتي أقولها وبكل ثقه

[سفيرالظلام]

محمد ياوليدي .. إذا ماعليك أمر أبيك توديني المستشفى تعبانه
مافيكِ إلى كل خير .. أكلي بندول وراح تصيرين بخير

ياولدي ماني قادره الالم كل ماله ويزيد
اوهووو .. أقولج اكلي بندول .. والصراحه أنا تعبان ومالي خلق اطلع وسيارتي مافيها بترول


الوووو .. محمد وينك ياخي .. ادور عليك من زمان
هلا خالد .. أنا بالبيت امر تدلل شبيك لبيك محمد بين ايديك

أبد سلامتك .. بس بقيت اشتري كذا شغلة من السوق وبعدها باروح الحلاق
أفاا عليك .. اللحين أجيك .. تامر امر .. مسافة الطريق وأنا جايك .. تجهز بس أنت


للأسف .. هذا حال اغلب الشباب

يفضلون ربعهم على أهلهم .. لا وعلى والدتهم الي ربتهم وسهرة لخدمتهم ورعايتهم
تترجاه والدته علشان يوديها .. ويرفض ويطلع لها الف عذر علشان مايوديها
بس من يقوله صاحبه بقيت هالشغله .. بل .. طيران يسويها له ويترك كل الي بيده
ولو قالتله والدته أبي تشتريلي معاك كيس خبز بريالين .. قال .. أنا ماعندي فلوس فلستوني وانا وانا
بس لو يطلب منه صاحبه مو كيس خبز لو يقوله ابي عشى .. يشتريله ويوصله العشى الى بيتهم ولو يبي يأكله هم راح يأكله
واذا والدته قالتله .. ابي منك الجوال .. قال لها ياله لا تطولين وتخسرينا
بس يكلم بنيه .. بيه . بالساعات يجلس معاها ومايفتكر بالفاتوره .. ولو قالتله ابي بطاقة شحن ام عشره عطاها ام ميه ريال
هذا اذا ماشرا لها جهاز تلفون جديد ومن احسن الموديلات بعد

مادري شبابنا إلى متى راح يتمون على هالحال
الى متى يفضلون الغير على اهليهم ويخدمونهم وينسون اهلهم
أهله الي ربوه وتعبو عليه .. هذا جزاتهم
الاهل يربون .. والغير هم المستفيدين

طيب أنت خدمتهم وبعدين ..؟؟
أنا ماكتبت هذا الموضوع علشان امنع الشخص من عمل الخير
بس علشان اذكره بالامور الاولويه الي يتوجب عليه فعلها اتجاه اهله
وانه مايفضل الغير عليهم
لان أهلك هم الي راح يدعونلك وراح يكونون لك سند وهم الي بيشيلونك وبيتمون طول العمر معاك
لان عمر الظفر مايطلع من لحم .. ربعك كم يوم او كم شهر او كم سنه ومراح تدري عنهم



أنا فعلاً وسام تفخر به والدتي أقولها وبكل ثقه

والسبب .. أن ماقصر عليها بحاجه .. تبي شغله اقول لها إن شاء الله
واسمعها احلى الكلام .. من عيوني .. انتي تامرين امر .. اذا ماشالتك السياره احطك فوق راسي واوديك .. حتى اذا طبخت الاكل هم أسمعها احلى الكلام .. اقول لها تسلملي هالايادي الي طبخة هالاكل .. والله لا يحرمنا منج ولا من هالاكل الحلو .. ونعم الله عليك .. وماقصرتي
واوقات اداعبها واقول لها .. إن شاء الله ناكله في عرسي .. وتقول .. الله يسمع منك .. ياله متى تعرس << تبي الفكه مني الوالده هههههههه
واذا وصلتها مكان .. وتجمعت مع النسوان تتباها فيني و تقول .. ولدي هو الي جابني .. ولدي هو الي وداني .. ولدي هو الي ....الخ
والام تفرح كثير أذا ولدها جابها وودها .. فرحه ماتوصف
ومهما نسوي مانقدر نرد لها جزء لو بسيط من الي سوته علشانا
يكفي أنها حملتنا 9 شهور في بطنا .. اذا الواحد فينا شال كيس وتم يتمشى فيه .. يقول

( بس تعبت ماقدر اتحمل باموووت )

أجل وش تقول عن امك الي شالتك في بطنها 9 شهور . اذا كيس منت قادر تشيله معاك
والحمدلله أن وقتي مصخره كله لها والى الاهل وهذا سبب توفيقي من الله بفضل دعواتها

والله يحفظكم ويرعاكم ,,,

بقلم : أحمد الصقر
(( سفير الظلام ))

[ابو نائل]

انت تستحق ان تكون وسام
جميل ما كتبت اخي
نعم اخي حال بعض من شبابنا الذين يفظلون اصدقاء وزملاء عن اهلهم وخاصة عن الام
لن نقول الا الله يهيدهم
لك كل الشكر اخي وجزاك الله خير

[نمـ!!!ـر]

الله ااالمستعان هذا حال بعض شباب اااليوم ،،، يفضل اصدقاءة على اهله ،،



تسلم يمناك اخووي على ااالموضووع االطيب ،



دمت بخير


نمــ!!!ــر

[لمسة الماس]

الله المستعان هؤلاء هم شبابنا
اعرف قريبه لي لديها سته اولاد وذهبت تقدم على سواق
والناس يلومونها كيف عندك اولاد وفي الاخير سواق
تعرف ماذا قالت ؟
قالت : عيالي يتطاقون اذا بغيت اطلع كل واحد يقول انا راح اوصل امي
الله يخلف على هالعيال ويصلحهم
كانت تقولها بأستهتار يعني قاطعة الامل ان يقضوا حاجتها
الله يهديهم
اما انت يأخي ففعلا وسام وبمرتبه شرف على صنيعك بوالدتك
الله يجعل ابناءك يبرون بك كما بررت بوالدتك
الله ييسر لك كل عسير ويوفقك بدينك ودنياك
اللهم كثر من امثالك في شبابنا
دمت بخير اخي سفير الظلام

[الراية الخضراء]

اعتقد اخي الكريم
مهما فعلنا فنحن نبقى مقصرين بحق امنا وابونا

[بـلــعـــــــور]

تسـلم اخــوي عـلى الـمـوضـوع الـرائـع
وللاسـف هـذا حــال الكـثيـر مـن الـشـباب

يـقـصــروا فـي حــقـوق اهــالـيهـم وبــذات امــهاتـهـم.

الــم يـعـلـمـوا ان الـجــنه تحــت اقــدام الامـــهات.

جـزاك الله خـير اخـوي وبـارك الله فـيك
وجـعـل هــذا فـي مـيـزان حـسـناتـك.