عاوز تبقى مدرب مشهور زي مورينيو؟اشترك في لعبة PManager

[frank_lampard]

لعبة PManager عبارة عن لعبة لكرة القدم وأنت المدير الفني لأحد الفرق
اللعبة حقيقي ممتعة جدا وهتعجبك قوي وفيها مشتركين كتير من كل أنجاء العالم واللي بيميزها عن غيرها خططها المحكمة في إدارة المباريات وإجراء التبديلات حسب سير أحداث اللقاء , وتدعم اللغة العربية دعما كاملا بشرح جميع قوانين اللعبة


وده الموقع
http://www.pmanager.org

فكرة اللعبة ببساطة

*بعد التسجيل بتاخد فريق و بتتحط في اي قسم من أقسام الدوري

*الدوري بيكون درجة واحدة أو 2 أو 3 أو 4 أو 5 حسب الدولة اللي مشترك فيها.
*الدرجة الأولى ( الدوري الممتاز - 10 فرق ) بينزل منهم 4 فرق اللي في المركز الأخير للدرجة التانية أخر الموسم وهكذا !
*آخر 4 فرق من كل مجموعة في كل قسم بينزلوا الدرجة الأدنى وأول فريق بيصعد الدرجة الأعلى.
*اول ما بتستلم فريقك بيكون فيه لاعيبه من الكمبيوتر , و بيكون معاك رصيد مالي عشان تبدأ اللعب.

*الموسم بيكون 12 اسبوع , في كل اسبوع بتلعب ماتشين دوري و ماتش للكاس والدوري عبارة عن 18 مباراة, و فيه اسبوعين قبل كل موسم راحة للفرق .
*اللعبة حاليا متاحة في 60 دولة ومصر هي الدولة العربية الوحيدة وعشان كده عاوزين نزود هيمنة العرب في اللعبة واللغة العربية موجودة وكاملة , وفيه ميزة للعرب الغير مصريين كمان أول ما العدد بتاع أي جنسية يزيد في اللعبة يطلبوا فقط وجود دولة ليهم في اللعبة وهتتنقل فرقهم لدولتهم على طول وهيبقوا في الأقسام الأولى ودي طبعا ميزة كبيرة إنهم هيبوا من أوائل الناس اللي يشتركوا في اللعبة, ودي الصفحة الرئيسية للنسخة العربي للعبة

*الإنتقالات مفتوحة طول الموسم

طريقة التسجيل في الموقع
الاشتراك سهل جدا .. لكن فيه حاجات لازم تعرفها كويس قبل ما تشترك

1 - لازم بياناتك تكون كاملة .. يعني هيطلب منك اسمك و لازم تكتب اسم حقيقي مينفعش اسم دلع لأنه في الغالب بيترفض

2 - لازم تكتب العنوان بتاعك حتى لو عنوان وهمي .. يعني اكتب اي رقم بيت و اي اسم شارع , لو مش عاوز تكتب عنوانك .. بس لو كتبت اي كلام ممكن أوي يترفض الإشتراك

3- مينفعش تسجل أكتر من اكاونت , لأن هتلاقي الإتنين اتقفلوا .
4 - عند التسجيل اختار الدولة اللي هتلعب فيها , وإذا مكنتش بلدك موجودة فسجل في أقرب دولة ليك , إذا كنت في الوطن العربي سجل في مصر لحين اشتراك عدد معين من الأعضاء في دولة ما ثم المطالبة بدوري مستقل

5 - بعد لما بتكمل خطوات التسجيل بتقعد يوم او اتنين لحد لما تاخد الفريق بتاعك و تبدأ تلعب ..

6 - لو محتاج اي مساعده في اللعبه ممكن تسأل هنا و كمان ممكن تسأل على المنتدى المصري في اللعبه , مجرد ما تشترك قولنا و احنا هنساعدك في كل حاجه , وممكن تشارك قبل ماتاخد فريقك بمجرد ماتشترك وده رابط المنتدى المصري هناك
http://www.pmanager.org/jornal.asp?tipo=0&sg=EG&p=1

وإن شاء الله هيبقى فيه شرح للعبة في منتدى شروح المواقع, وأي استفسار انا في الخدمة.