حبني وأحبك وهذا هي اللعبة

[سفيرالظلام]

حبني وأحبك وهذا هي اللعبه

تغير الحال في بعض المنتديات .. وخلينا نقول في عالم الانترنت بشكل عام
قبل كانت تبادل خبرات وأفاده وستفاده .. واللحين صارة الشغله تعارف وحب وقلة حيا
حتى المواضيع الي صارت تطرح في المنتديات .. تلاحض انها عن الحبيب وخيانته وهجرانه . لعنبو مافي مواضيع بالدنيا غيرها . خلصت المواضيع
والله انك تمل من قراءة مواضيع هذا العضو بسبب هالشغله
واوقات تمل من دخول القسم .. لنفس هذا السبب .. والله تمل وشعرك يألمك بسبب الي تشوفه
او تحصل احد الاعضاء حب بنت من ضمن المنتدى وهي حبته
يجلسون يتباهون بهذا العلاقه .. تلاقيها يا تحط توقيع نفس توقيعه او ماخذين صوره من توقيعه و حاطته في توقيعها
او يحطون توقيع متشابه للاثنين والكلام واحد بس الاختلاف في اسم صاحب التوقيع
وإذا صار شي بينه وبين المحبوب .. تشوفه يكتب موضوع بهذا الخصوص

يعني صج مصخره علنيه كذا ماشفنا .. ياخي الواحد اذا بيحب
مايجلس يتباها عند العالم وشوفوني وشوفوني . هذا لعب اطفال أول مره يحبون لو متخرعين مو مصدقين حالهم
الواحد يكبر عن هذا الشغلات واستغرب شلون يرضى على نفسه الواحد يقوم بهذا العمل
ومادري شنو فاكرين الحب لعبه عندهم .. والله ان كلمة احبك سهله عندهم تنقال لكل من هب ودب صايره زي العلكه في فمهم
من تشوف بنيه قالتلك .. احبك .. طيب انت تحبني ..؟؟
وخاطري اسمع منك كلمة احبك .. حتى لو قلت الكلمه وهالكلمه ماهي طالعه من قلبك .. هم تستانس عليها
تستانس انك قلت لها كلمة احبك .. لا وفوق هذا .. تدري انك تجاملها بهالكلمه .. بس تقول عادي اهم شي قالها .. واكيد عادي عندها

(( كلمة احبك تقراها في عين محبوبك قبل لا تنطقها شفايفه ))

مره من المرات .. جاتلي بنيه .. قالتلي يا احمد انا احبك .. قلت لها صج والله ..!!
طيب وش المناسبه .. وش الي خلاج تحبيني .. ماشوف شي متوافق علشان تقولينلي احبك
مجرد مرتين ثلاث كلمتك قلتي احبك .. قالت مشكور وماتقصر وطلعت وهي زعلانه
يعني زعلت من كلامي لاني صارحتها .. والعالم تمشي على نظام .. جاملني احط فوق راسي .. صارحني تكون عدوي
مع الايام تواجهة مع هذا البنيه .. قالتلي يا احمد انا اخطيت في دنياي وانت ماقصرت وقفت معاي
انا ارتكبت حماقات كثيره .. وتعرفت على ناس تسوا وناس ماتسوا
وكلمة احبك ماقلتها الى حق شخصين فقط .. قلتها لاني محتاجتهم
وعلشان مافقدهم .. قلت لهم هذا الكلمه .. قلت لهم احبكم .. في بالي ان هالكلمه راح يتمسكون فيني ومايتركوني
لاكن للاسف .. ابتعدو عني .. لانهم كانو معتبريني كا أخت لهم وليست حبيبه وعلشان مصلحتي ابتعدو عني

وعسى الله يهدينا ويهدي جميع المسلمين
ويرشدنا الى السراط المستقيم

بقلم : سفير الظلام
( سفير الظلام )

[إيــناس]

و الله يا أخي كلامك عين العقل

شو صاير بالدنيا ما بعرف ..!!

ليش هالتفهات و كأنه الواحد ما عنده لا شغل و لا مشغلة بس جلوس على النت و يتعرف على هي و على هااد و يحب هي و تحب هااد .. ليش ما بعرف ؟؟

و من كثر الوقت الفاضي صاير الحب مبهدل الشباب (بنات و شباب)..

كلمة أحبك يمكن من محادثين ثلاث راح تسمعها شي أكيد و صار شي طبيعي جداا و لا تستغرب من الكلمة لأحسن يتهموك بالتخلف و ياي على قلة ذوقك ...!!

لكن يا أخي شو بيده الواحد يسويه غير انه يطلب الهداية من رب العالمين لغيره و لنفسه
لأحسن إذا كملنا كذا الله يستر من الي جاي..

و كل واحد يحاسب نفسه قبل ما يحاسب غيره..
و الي ما يرضاه على أخته ما يرضاه لبنات الناس..

و البنت اّذا ما احترمت نفسها و فرضت احترامها على غيرها..
صدقني ما احد راح يحترمها او يعملها حساب..

مشكور أخوي على الموضوع عين الصواب و الله
بارك الله فيك
و الله يهدينا جميعا