باحازي الشعار واهل المعرفة"=" من بنت مشهورة خبرها منتشر
عذرا صبية تندرج في ثيابها"=" لا هي على حرمة ولا هي من ذكر
والزوج ما جاها ولا تزني لحد"=" متبرجة تمشي في الدنيا هدر
وان شاء لها الرحمن جابت اربعة"=" رجال عينة ذي يدكون العبر
وتكاثروا لما تكاثر سولهم"=" عشرة بعشرة ما بعد واحد قصر
واربع باربع بنت كم من فنية"=" كم من بهية من بهيات الخمر
والثانية باحزيك حرمة ثانية"=" ماتعشق الا الطيب واغصان الشقر
متزوجة باثنين عينة واحدة"=" واحد في القدمة وواحد في الاخر
مابينهم بغضا على تزويجها"=" وكل واحد يحرسة خمسة نفر
عسكر عليهم نور من رب السماء"=" لاهم من الليوي ولا هم من شبر
لاهم على حرمة ولا هم من ذكر"=" انشأهم اللة ذي نشاء نشو المطر
والثالثة باحزيك ونتة حازني"="كم عدة البل ذي ترعى في الخضر
لانت فتى قم عدها لي كلها"=" واحصف عليها يوم هي شعثا وبر
ولا تخلي من عددها واحدة"=" الفين ولا كر ولا مية كر
والفي صلاتي على النبي بوفاطمة"="ياسعد من صلى على خير البشر
اهلا وسهلا بالحروف النحوية"=" ذي جاتنا من واد عوجان العكر
ذي ساقها احمد بن محمد نحوية"=" يا مرحبا يا صاحب القول الذكر
ذكرت في حرمة دويلة فنية"=" ذي صيتها مشهور في بحرا وبر
هية السنة ام الرخاوالردية"=" وعيالها صيفي مع شتوي وحر
وربيع ذي يخلف نجوم الشتوية"=" هو داهل الجودات مبعد قد قصر
وعيالها عشرين زايد ثمانية"=" ذكري واناثي ضم سمعك والبصر
ذة لولة وسمع جواب الثانية"=" حرمة دويلة من قفا سيد البشر
جمعة نويرة للخليقة جمعية"=" فيها كلام اللة ربك ذي ذكر
وعيالها ذي هي بهم متجنية"=" يومين في الاسبوع مزرورين زر
خميس هو والسبت هذة حقية"="= واحد في القدمة وواحد في الاخر
وايام مشروطة بخمسة مقوية"=" فروض مفروضة على كل البشر
ان كان شي اهل القلوب القاسية"=" ذي ما عرف ربة وفي دينة كفر
والثالثة باحصي الجمال الكومية"=" هي خمس يامولى المعاني والفكر
اما جذع ولا ثنية وسطية"=" ولارباع اسنم ولا تفيض هدر
وان هو سدس تلحق بدانة صافية"=" وفي الحقيقة يصلح الا لافطر
هي خمس يامولى الشقوق القبلية "=" وان شي زيادة عندكم ردوا خبر
المواضيع المتشابهه
محازي
العرض العادي
