ويرزقكم من حيث لا تعلمون

[coco4123]

شايب نوا يشتري له وايت..عشان أبله وحلاله،،

جمع له فلوس لين صار عنده ثمانين الف ريال،، وتوكل على الله،،

وهو رايح للمعارض إلا ذيك الناس المجتمعة في ارض فضا،،

و جمبهم وايت،، وعجب خوينا هالوايت،،

قال بس خلني اشوف هالوايت عساه للبيع،،

يوم وقف واثري هالجماعة يحرجون:

50 ،، 52 ،، 55 ،،

قال بس هالوايت إن شاء الله انه من نصيبي،،

ويخش بالحراج... 56 .. ويزود.. ويزودون .. ويزود..

لين وصلوا 75 .. قام خربها وقال 80 ..

هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!

يناظرونه.. يناظرون بعض.. يوم تغامزوا ونقز له واحد منهم ..

ويسحبه على جنب.. قال شف يابن الحلال بنعطيك مليون ريال بس امش من هنا ولا

نشوف وجهك..

قال هااااا.. وش السالفة..؟؟!! مليون .. وليه..؟؟ قال له بس خذ هالشيك
وتوكل على الله

وش اسمك؟؟ عطاه اسمه وكتب له الشيك بمليون ريال وصرّف الرجال..

هو ما يدري وش السالفة ..

طيب وش العلم ..!!!!!؟؟!!!!

..

..
..
..
..
..
..
..
..
..
..
..
..
..
..
..
..
..
..
..
..
..
..
..

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..

ويحسبونه هامور يبي يلطش عليهم المخطط.. قاموا صرفوه بمليون..

وهو طايرن من الفرحة..

منقول للفايده
توكل علي الله في كل شئ فهو حسبك

[جبل خليفه]

والله انة هامور من صدق لطش عليهم مليون وروح بة ان شهد انة ذيب

قصة حلوة ... مشكووووووووور اخي على ها القصة .. تقبل مروري

في اتنتظار جديدك ... اكرر شكري لك

[طيف ظلام]

مشكووور أخي

بس مش كل مرّة تسلم الجرّة

لا يروح واحد ويجرّب ويروح فيها