حبك بقلبي غيــــر ماهو بــ عادي

[$(سـاري)&]

كانت قبل ليلة الفرقى




امطر سحاب الحزن همال ودان
امطر جمر واسقى جفوني سهادي

وانا منول كتلة هموم واحزان
ونبرات صوتك عيفتني رقادي

لحظة سمعته ثار فــ القلب بركان
وجتني جيوش الهم من كل وادي

وتوافدت فــ الصدر والصدر ميدان
ما كنـّـها الا الخيل يوم الطرادي

وانا بقلبي حب صادق ووجدان
وصمتي عنان وعز نفسي جوادي

جيتك وانا قلبي من الشوق مليان
وارويت نبضك من ودادي ودادي

ابنتصر لك من صواديف الازمان
وانا ذراك عن الزمان الرمادي

ضلوعي الك دروع واحساسي حصان
وعروق قلبي لك سيوف حدادي

ياللي وصوفك غير عن كل انسان
حبك بقلبي غيــــر ماهو بــ عادي

فتش عروق القلب شريان شريان
والله ماغيرك سكن في فؤادي



وسلامت قلوبكم

[العماني]

وانا منول كتلة هموم واحزان
ونبرات صوتك عيفتني رقادي

جعل ايامك سعادة ،،، كلمات رائعة.... تسلم

[$(سـاري)&]

مشكوووووووووووووووووووور اخوي العماني على الرد الرائع
وإن شاء الله ايامنا كلها سعيدة
ودمت بسعادة وعافية

[امـيـر بني هلال]

ياللي وصوفك غير عن كل انسان
حبك بقلبي غيــــر ماهو بــ عادي


صح لسانك ياشاعرنا ومواضيعك دايم في القمه
تسلم يمناك ولا هنت

[$(سـاري)&]

مشكووووووووووووووووووووووووور اخوي امير بني هلال
والله يعطيك العافية وانت من المميزين في هذا الصرح الشامخ
ودمت بــــــــــــــــــــــــــــــــــود