قصه حب انتهت بس انتهت..!

[كاااتم الأهااات]

ليش قلبك يابعد عمري حزين

ولله موب لا يق عليك هذا الزعل

يحلاتك يوم انك تضحكين

افتحي قلبك و قولي وش حصل

من تجرأ من قطف هالياسمين

من حرمه الزين قبل مايكتمل

من كسر قلبه وشعروه بكلمتين

ويدري قلبه للعتب مايحتمل

من هو ارخص قيمة الغالي الثمين

ويدري انه في عيوني له محل

من يقول الحب مايقطر حنين

ومن يقول انه وسط قلبي ذبل

يلا قومي يلا لاتتكيسيلن

خلي حلمي وياك يوصل لزحل

يلا قومي يلا لاتتشاورين

خلي حبنا يكون للعالم مثل

قالت أصبر قلت أنتي تامرين

و طالعتني بعين يمالها الوجل

و لا أراديا ذرفت دمعتين

و قالت أن الزين ابد مايكتمل

قلت قولي لي ترا سرك دفين

مابخبر حد ترا مهما حصل

بس دخيلك مابي هالدمع يبين

مو عشان شي بس ولله ماحتمل

طالعتني قلت لها وش طالعين

مافي داعي للعواطف و الخجل

هذا مو وقته في وجهي تسرحين

جاوبي أحساس قلبي الي سأل

قالت الشده بعد فتره تلين

و الفرح يذبل اذا باقي امل

و الشقا لازم في يوم يهمين

و الصعب لا زم يجي يوم ويصير سهل

قلت لها قولي لي و لا تلمحين

ما احب اسمع كلام به جدل

قولي شالموضوع اذا انك تسمحين

وخلي الخوف الي فيني يرتحل

قالت اهلي ساوموني بدرهمين

و قررو انهم يزوجوني بعجل

جا خطبي شخص قدي مرتين

وجابو الماذون و العقد أكتمل

و افقو لانهم بماله طامعين

و بالتجاره و المراكز و الفلل

ليه لاء دام انهم رابحين

يمكن انهم يطلعون بكم محل

قالت لحقني الحقني ومد لي هالادين

ضاع فكري و طار مني العقل

من لي غيرك أشتكي له يالظنين

عطني رايك عطني لو ذره امل

صرت أنا وياك ضمن التايهين

الحزن في دربنا توه استهل

ليه يادنيا في وجهي تعبسين ..

حظي المايل متا بس يعتدل

قالت أتكلم و لو بس جملتين

لا تم ساكت ترا وردي ذبل

قولي اي شي قول لو كلمتين

وانت بس الي لي لأمره امتثل

صدمتي كانت معاها صدمتي

صدمتي كانت في هالمره دبل

كنت بسألها وش رايك تملكين

دام خذنا الدبله و الحب اكتمل

مانطقت بشي و انا ميت حزين

و الدمع من فوق وجناتي همل

قمت اشاهق مابي نوحي يبين

كأني خيل باعلا صرخاته صهل

قمنا نطلع بعض عين بعين

ماتكلمنا لين الليل حل

قالت انطق لا تقول انزين انزين

و انا ساكت و الفرح عني رحل

كنت اظن احنا لبعضنا مكملين

ماكنت أظن الحظ عاندنا بالفعل

كنت أظن اني في عالما سجين

وكنت أقول الحظ أخيرا اعتدل

قلت لها اذكر كلامك لين الحين

يوم تقولي لي تراك احسن رجل

صحت فجأه و قلت لها تتذكرين

يوم كنا نخطط لشهر العســــل

قلت عشاني قومي و لا تزعلين

و ارضي بالواقع دام انه حصل

اسمك بيبقا في وسط قلبي دفين

و القمر لازم في يوم بيكتمل

ولله بفرح دام انتي بتفرحين

يلا خلينا بعرسك نحتفل

و أصفعتني كف عل الخد و الجبين

وقالت انت تكلم طفل

قلت لها و صوتي بنبراته حزين

اوعديني هالزعل اخر زعل

لأنه قلبك ينعرف يوم تزعلين

ولله موب لايق عليك هذا الزعل

ومهما ناديتك ابد لا تجاوبين

قصه الحب انتهت بس انتهــــــــــت

مـــــــــــــات البطـــــــــــــــل

افترقنا بعد كل هذه السنين

و للاسف حبنا في هالمره فشل فشل فشل

انتهي مشوار احلا عاشقين

كل بدريه لكن ماوصل

كل واحد ينسا مع مر السنين

لكن الذكرى امرها موب سهل

لين اخري يوم في عيني تسكنين

لين اخر يوم في قلبي تسكنين

لين اخر يوم في روحي تسكنين

وصورتك تبقا مثل بدر اكتمل

في بعض الاوقات اقعد مستكين

بس افكر لين يذبحني الملل

بالفعل قطفــــو زهـــــــور اليـــــــــــاسمين

قطفــــــــــــــوا الزهره قبل لا تتكتمل

[عاشقة الجنة]

الله يعطيك العاااافيه يا اخوووي ,, كاتم الآهااات ,,,,

بداية ارحب فيك وان شاء الله تكووون غيبتك عن المنتدى في التفره الاخيره خير وما يصيبك الشر ان شاء الله

ثانيا اشكرك على هذه القصيدة الراااائعه ,, اللي القاها الشاعر " طارق المحياس" الصراحه من اروع القصااائد واكثرها تأثير..

وخاصه ان القصه حقيقية وصارت لصااحبه ,,,,,

الله يعطيك العافيه اخوووي وبارك الله فيك

تحياتي
عاشقة الجنة

[كاااتم الأهااات]

اشكر مروورك الكريم على المشاركه اختي .... عاشقه الجنه ...


اما عن غيابي عن المنتدى فالحمد لله بخير وعافيه


بس اللهم اني احضر بدون تقديم شي بس اتصفح ..!

اكرر شكري على مرورك اختي ولاعدمانك