|
رحلة الى اليمن
سافرت في شهر 7/2004 لليمن بعدغربه دامت 13 عام ... كانت رحلة من اروع مايكون
حتى اشاهد الارض واتعرف عليها حجزت في الباص مع ان الرحلة في الباص متعبه
المهم وصلت حرض .. نزلنا من الباص للتفتيش .. شفت واحد يبيع شاي .. قلت له اعطيني واحد شاي سفري
وسوى ذاك الشاي العدني وجلس يدور في ايش يصبه ... لقي قارورة صحه فاضية قطعها من النص وصب الشاي فيها واعطاني اياه .. قلت له ايش هذا / قال الشاي .... كان بجانبي شخص لا اعرفه قال لي خذ الشاي وابتسم انت في اليمن .
اخذت الشاي وفعلا كنت مبسوط وشربته .. كان شاي من اروع مايكون وفي قطعة قارورة صحه .
مشينا الى صنعاء .. الجو رهيب .. الغيوم .. الامطار .. الخضرة .. شي لم اكن اتوقعه.
وصلت صنعاء 2 ظهرا .. طلبت من التاكسي يوصلني لفندق .. راح شارع تعز وهو مليء بالفنادق .
دخلت اول فندق وطلبت غرفه قال لي 2500 .. قلت له مايخالف .. شاهدت الغرفه .. قلت للعامل وين المكيف قال مافيش
قلت له بطلنا
دخلت ثاني فندق وثالث ورابع ونفس الحكاية غرف مافيها حتى المراوح
الفندق الخامس وانا نازل من الدرج وقاعد اسب والعن قابلني صاحب الفندق وسالني فيه ايه .. قلت له يااخي عاصمة اليمن ومافيه غرفه بفندق مكيفه ؟؟؟؟؟؟؟؟؟؟؟
اخذني الرجال للاستقبال وطلبلي عصير وهداني شويه وقال لي انته الان جاي من السفر وتعبان .. اطلع ارتاح لك كم ساعه وبعدها انا اوديك لفندق فيه مكيفات .
طلعت للغرفة وارتميت على السرير من غير ما اغير ملابسي ( النوووووووم) مرت خمس دقائق الا واحس رجلي بارده ..سحبت الشرشف وتغطيت .. بعد شويه لقيت الشرشف مامنه فائدة تغطيت بالبطانية بعدما شيّكت على النوافذ انها مقفله ونمت نوم عميييييييييييق . صحيت بعد العشاء .
نزلت للاستقبال لقيت صاحب الفندق قاعد يبتسم قال ايش رايك قلت له خلاص قاعد عندكم مش رايح لاي فندق ..
المهم جلست في صنعاء 11 يوم .. كانت رائعه جدا .
بعدها تحركت الى شبوه .. وصلت عتق .. الوضع مختلف .. عتق غير .. وين بيتنا ؟؟؟؟؟؟؟؟؟ سالني السواق عن البيت وكل شويه يدخل من شارع .. والله ماعرفته .سالنا الناس وكل مرة واحد يوصف لنا الى ان قابلنا شخص سالناه وعندها عرفني هذا الشخص ولم اعرفه .. واخذنا الى ان اوصلنا للبيت .
جلست في عتق 10 أيام ايضا كانت رائعه مع اني لم اخرج كثير .
بعدها عدت للسعودية ..
هناك تكملة لمشاهداتي وبعض الملاحظات الصغيرة ...
ساكملها لكم
|
النمط المتتابع
