لا نيبالية ولا فيتنامية

[نمـ!!!ـر]

بالبلدي الفصيح

فتحي حلواني

لا نيبالية ولا فيتنامية
يا أم فتو، ايش هادي الكتب اللي مرمية في الأرض، هادي يا سيدي كتب تعليم اللغة النيبالية والفيتنامية، لانه بيقولوا إنهم فتحوا باب استقدام الشغالات من دي الدول، عشان كده شايفك ليا كم يوم بتبربري بكلام ماني فاهموا على بالي، بتحضري ماجستير والا دكتوراه في اللغات، لا ماجستير ولا دكتوراه بس بتعلم كم كلمه عشان لما تجي شغالتنا من نيبال او فيتنام اعرف اتفاهم معاها، ايووه قلتييلي، وحطيت يدي على فمي وقلت ما حتشوفي شغاله لا من نيبال ولا من فيتنام ولا حتى من موزنبيق، نحنا ناقصين مصايب وجرايم من يوم ما دخلوا هادول الشغالات والسواقين البلد ما شفنا منهم الا الجرايم كل يوم والتاني تقرأ في الجرايد هروب شغالات، وانتحار شغالات، والقبض على شــغالات وسواقين في اوكار مشبوهة، لانه الــشغـاله اللي بتجي من هناك بتكون خلاص جاهزه معاها ارقام جوالات ومستعده انها (تشرد) من كــفـيـلـها اول ما تدخل البلد وانت يا مواطن اقعد حوووس ولوووس وما حتلاقي لا حق ولا باطل لانه مافي نظام يحميك، تدفع رسوم الشغاله واللي توصل لـ 15000 ريال مابين رسوم استقدام واجرة المكتب اللي حيجبلك الشغاله وقيمة الكــشــف الطبي وقــــيمه استخراج الاقامه وبعد كل هدا التعب والمشـــــاوير والروحه والجية تجيك الشـــغاله ما تعرف لا تكنس ولا تغسل ولا حتى تكووي وبعض مكاتب الاستقدام شغاله فينا كدب في كدب لانه ما يهمهم الا تنفيض جيوبنا وما حنلاقي منهم لا ابيض ولا اسود لانه المثل بيقول من أمن العقوبه اساء الادب وانت يا غلبان (يا غافل لك الله) تلاقيهم كاتبين على بوابة مكاتبهم عمالتنا مدربه احسن تدريب، ايوه صح كلامكم مدربه على (الشرده) الشغاله جيه ومستعده انها تشرد بعد كم اسبوع من دخولها بيت كفيلها هدا اذا ما شردت من المطار هدا غير انه لو جاتك الشغاله وفيها عيب يحطووه عليك واذا رحت للمكتب اللي جبلك الشغاله وقلتلووو ترى الشغاله شردت يردوا عليك بعنطزه ولسان طويل مو شغلي انا جبتلك شغاله وانت عاد بكيفك ما يخصـــني، يحقلك لانه خلاص حط الــفـلـوس في جيبوو وانت يا مواطـــن (بلط البحر ومص حـمــر) واقــــلبها كعب داير مابين دفع قـــيـمـة اعــلان هـــروب وجوازات وشــــرطـــه وبرضووا ما حتلاقي لا حق ولا باطل وضاعـــت فلووســــك ياصابر عــشـــان كــــده بتمنى من المســــؤولين اللي في نظـــام العمل انه يكون عندهم نظام صارم يحـمــيـنـا ويحمي حقوقـــنا واموالنا اللي بتندفع لهادي المكاتب وياريت كمان يحاولوا يطبقـــوا النظـــام اللي بيصير في بعض دول الخليج واللي هوه انه مكـــاتب الاستقــــدام اللي هــنـاك هـيـه اللي بتتكفـــل باستقـــدام العماله وتقـــوم بتاجيرها بموجب عقود يتفق عليها الطرفين بشرط تكون الاسعار ثابتـــه وموحده عند هادي المكاتب وبكده يرتاح المواطن من اللف والدوران ويضمن حقوقه انها ما تضيع لكن للأسف مين يسمع؟ وعيشوا كتيييييير تشوفوا كتيييييير.

[الماسه*]

هههههههههههههه موضوع حلو جدا واللي اعجبني اكثر اللهجه السعوديه المميزه
فيه..اما بالنسبه للشغالات فهمومهم ومصايبهم لاتنتهي ولكنهم في بعض
الاحيان شر لابد منه!!..بس الغريبه اننا بدل مانعلمهم اللغه العربيه صرنا نحن
نتعلم لغتهم!!
يعطيك الف عافيه على الموضوع الجميل .دمت مشرفنا الفاضل بالف خير.

[صخر عبد السلام]

اخي
يعتبرون استخدام البشر في خدمتهم نوع من التطور والرقي
الاجدر بهم ان يعملوا على تطوير افكارهم ومفاهيمهم
شكرا لك

[نمـ!!!ـر]

شكر وتحية لكل من مر من هناااااا

دمتم باااااااااااالف خير

نمــر111

[عشقي البرشا]

هههههههههههه مبدع يا نمر يعطيـــك العــافية

ننتـــظر المـــزيـــــد

في حفـــظ الرحمن

[محور زد]

نقل موفق أخي نمر (أشبك يابويا) زماااااااااااااااان ياجده زمان
تسلم الحجاز وأهلها كلهم