أستشعرت .. فكتبت .. وش رايكم

[بقاياجـــروح]

دن القلم واكتب علي ظاهـر اللــــــوح + احساس طاغي من جميـل المعانـي

من فيض غيض اللي تعييَّا عن الــبوح + شـردات دونهـا وخـل التـوانــــــي

للصاحب اللي بالحشا شيد صــــروح + الود والمعـروف سـاس المبانـــــي

لاقلت انا يافلان والصوت مبـــحـوح + بحلو الشهد لطـف مخـارج بيانـــي

اروي ظماي بسلسل ٍ منـه مسـفـوح + محد ٍ ولاغيـري شـرب ماسقانـــي

والله لولااخشـى يقولـون مشفـــوح + لأنهل وأبنهل وان عصاني زمانـي

خلي علي وضح النقاطاهر الـــروح + محـد ٍ ولاغيـره بقلبـه حـوانــــــــي

لاغاب عن عيني كما الورق انا انوح + لاعدّمِتِـه عينـي ولا هوجفـانــــــي

كل الغلا يفداه من غيـر مصلـــــوح + خلٍ علـي حلـو المعانـي حدانـــي

وآخر كلامي ياقلم ويـن ابـــا اروح هيضتنـي يـوم ٍ تلعثـم لسـانــــــي

[عاشقة الجنة]

صح لسانك أخوي بقايا جروح .. قصيدة حلوة بمعانيها .. وموزونة

يعطيك العافية وتابع كتابة الشعـــر وإن شاء الله ربي بيوفقك وتبدع أكثر وأكثر

عاشقة الجنة

[غـزل]

السلام عليكم ورحمة الله وبركــــــــاته

وآخر كلامي ياقلم ويـن ابـــا اروح.... هيضتنـي يـوم ٍ تلعثـم لسـانــــــي

قد يكون الإحساس الذي يتملكنا في لحظــــــــات أقوى من أن نعبر عنه بالكلام ..

فنلجأ للكتابه فالقلم هو رســــــــــول المحبين ..

الأخ / بقـــــايا جروح

لو قلمك هيض إحساسك فتأكد بأنه قد هيضنا معك ..

فاكتب ياأخي و لاتبالي برأينا فمشاعرك هي من تفرض نفسها علينا ..

دمت بخــــــير ودامت مشاعرك رائعه كما هي الآن

غـــــزل

[شريك العناء..!!]

اخي الكريم .. بقايا جرووووح ..

صح لسان وصح الله بدنك يالغالي ..

ايه كذا تكتب الخاطرة .. والا فلا ..


ننتظر منك كل جديد ..

لا تحرمنا من تواجدك في المنتدى

شريك العناء..!!