بسم الله الرحمن الرحيم
اخواني زوار قسم الشعر بهذا المنتدى الكريم..
اقدم لكم اليوم رائعه من وادي مرخه وادي بني هلال من روائع الشاعر الكبير النسي بورائد والذي تغنى له الكثير من المطربين الشعبين وعلى رأسهم الفنان الكبير بو عسكر
اترككم مع القصيده
بورائد بدع الاقوال فكري=فصيح القول ينطق به لساني
ومن عذب القوافي اصيغ شعري=وهاجوسي فلا تمنيت جاني
وسري كاتمنه وسط صدري=ولا تهيضت اهجرع بالمغاني
انا فزيت فزة الصقر وكري=تذكرت الغضي ترف البناني
وليفي ذي معه قضيت عمري=تذوقنا الهوى بكاس الحناني
وقربه جنتني والبعد ناري=كحيل الطرف مجلي الثماني
انا اعزه وهو قايم بقدري=عديم الوصف مريوش الاعياني
وانا طبعي وفي من عهد صغري=ولا اتغير مع طول الزماني
واسلوبي مع الاحباب سري=ولا يدري بنا حاسد وشاني
ذكي ما ابيح سري لشخص غيري=ولا ابدل صديقي بشخص ثاني
ولا اخلي قليل الخير يدري=بسري او بتوضيح المعاني
وبعض الناس يتمدح ويهري=وهو كذاب ما بِلئ دماني
يبرثي يشرح اللي كان يجري=يفسر سيرته سر وبياني
بورائد بدع الاقوال فكري=فصيح القول ينطق به لساني
العرض العادي
