اطرح لكم هذه القصيده ... وهي من النوع الخاص
.
قصة القصيدة
سبب هذه القصيدة ..انه في يوم من الايام حصل بيني وبين اخي الكبير (علي)...شجار اخوة ...ولكن هذه المره انا رفعت صوتي عليه )...والسبب اني عصبي زياده ....المهم غضب مني غضب شديد وقاطعني ...طبعا لمدة (ليلة واحدة )...ولكن عندما خلوت بنفسي نفس الليلة حسيت بندم شديد وحاولت ارضيه ولا رضي ..لا بل تجاهلني ....قلت مالك يابو صالح الا الشعر ...هذا سلاحي ... وخوي كان متذوق قو يي للشعر ...فكتبت هذه الابيات ... وحطيتها تحت باب غرفته (نفس الليله)... واصبح راضيl
في الابيات انا ذكرت (مجاهد )... وهو اخي الصغير الذي توفى قبل سنتين.
الابيات تقول:
[poem=font="Simplified Arabic,4,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
الا يالله ياعالم بضيق الحال يافتاح = الاياعالم ابحال المنكد سره وجهره
تفرج لا انقفل باب الفرج بالقفل والمفتاح = وترحم كلما حانت علينا ساعة العسرة
انا قلبي غلا والدم في مجرى عروقي فاح= واعضائي اشتكت من حرها والروح محتره
تعب جاني وهاجم كل عضوا في الجسد واجتاح= وظنيت التعب سكرات ..يوم الموت له سكره
وظنيت الحشا محتاج لك يامشرط الجراح= عساك اتقد صدري لين ماتعثر على الجمره
وكل اللي حصل نميته بيدي مع اللقاح=انا جرعت نفسي " سمها" قطرة ورا قطره
سبايب عقلي اللي من عيوني في دقايق طاح= ونا كنت احسبه عارف بحاله عارف بقدره
اذا جيته وقلت ابعد.. . . عن الزله بلا مرواح= يزيد ف"زلته" ويعيدها كره ورا كره
الايانور عيني ....يا علي رد البصر لو راح= الارده لخوك اللي خصامك جاب له حسره
انا زليت.. وابن ادم يزل ... وبالرضى طماح= ونا لاقد عثرت ابغاك ترفعني من العثرة
طلبتك ياعلي بلللاه ..سامح (ك ل ب ك) النباح= اذا( ا ل ك ل ب) الوفي نابح على راعيه.... وش ضره؟؟
طلبتك بالحبيب اللي اندفن فالمقبره وارتاح = "مجاهد ".. لاتنغص راحته وتضيق فقبره
مخوتنا كما "دره" ...ونا في بحرها "سباح"=انا ضيعتها ...... والان دورك طلع الدره
مخوتنا " سفينه" .. .وانت فيها القايد الملاح = اباك تجيبها المرسى وترسيها على بره
انا لاقلت اسف.... مايكفي .. والحطب ما طاح= انا لازم اقول اسف ونا تخنقني العبره
انا اسف... واذا رديتني .. ببقى معك سواح= ومن عينه على حلو الامل...... يصبر على مره[/poem]
:
اخوكم احمد
نقطة انتهى
آخر تعديل بواسطة احمد بن صالح ، 11-29-2005 الساعة 07:03 PM.
اخي الشاعر والاديب احمد بن صالح حياك الله
دائمآ كما عهدناك السلوب متميز وكلمات ذو معاني ساميه اخي لقد ابهرتنا بهذه القصيده الاكثر من رائعه
ويشهد الله انها نالت اعجابي فيها الذوق الرفيع وانخوه الاخويه والاخلاق الحميده والمخاطبه العقلانيه
والاعتراف بلخطا والاعتذارالكبير فقد جمعت جميع مايتصف به الشخص الواعي والشاعر والخلوق والحنون
والناخي الذي لم يفقد نخوته فهذه القصيده يجب ان يتمعن فيها القاري لان مايعنينا جميع فيها
التصرف وقت الغضب وفيها العتذاروفيها النصح وفيها كل مانحتاج اليه في تصرفاتنا اليوميه
ويجب علينا الاقتدى بعقليت هذا الشاعر الكبيروادبه واخلاقه فكم اعجبتني القصه وكيف لك ان تختار
هذه الكلمات فوالله اعتقد لو اني بدل علي اخوك لقبلت اعتذارك حتى ولو العظم مكسور لما يحمله
اعتذارك من كلمات رائعه ومعاني صادقه وقيفان مختاره لحب الاخوه ولكن بيض الله وجه علي خوك
على تقبله لاعتذارك ورضاه عنك ورحم مجاهد واسكنه فسيح جناته فولله لو انني شاعر لقلت احسن
مايقال فيك فانت تستاهل كل خير ولكن المعذره احب الشعر كثيرآ ولاكن لاجيده
اخي السموحه والمعذره لقد طلت في كلامي ولكن اعجابي بك وبوعيك وشعرك هو من فرض علي الاطاله
فسموحه وقد اخترت من مطلع قصيدتك هذه الابيات ولله اني احترت في اختياري فكلها ابيات ولا اروع منها
فلا حرمنا منك يابن لجواد فهذه القصائد كلها حكمه صح الله لسانك ووفقنا وياك لما يرضا
الايانـور عينـي ....يـا علـي رد البصـر لــو راح الارده لخـوك اللـي خصامـك جـاب لــه حـسـره
انـا زليـت.. وابـن ادم يـزل ... وبالرضـى طمـاح ونـا لاقـد عثـرت ابغـاك ترفعنـي مــن العـثـرة
طلبتـك ياعلـي بللـلاه ..سامـح (ك ل ب ك) النبـاح اذا( ا ل ك ل ب) الوفي نابح على راعيه.... وش ضره؟
وهل لنا ان لانقف امام هذه الابيات وان لانتاثر بلاوالله فانت غير ماذكرت لمخاطبتك لسماح انت نمر وجيد ابن اجاويد
مخوتنـا كمـا "دره" ...ونـا فـي بحرهـا "سـبـاح" انــا ضيعتـهـا ...... والان دورك طـلـع الــدره
مخوتنـا " سفينـه" .. .وانـت فيهـا القايـد المـلاح ابـاك تجيبهـا المرسـى وترسيـهـا عـلـى بــره
انا لاقلت اسـف.... مايكفـي .. والحطـب مـا طـاح انـا لازم اقـول اســف ونــا تخنقـنـي العـبـره
انـا اسـف.. واذا رديتنـي . ببقـى معـك سـواح ومن عينه على حلو الامـل... يصبـر علـى مـره
واما هذه الابيات فهل تصف الاخوه باكثر من ذالك فلا اعتقد والله بان في اكبر واجمل من هذا الوصف
فنعم الاخ فبارك الله فيك لاخوانك وصدقت في كل حرف وصح الله لسانك الاخ لاعوض له فالولد ينبدل والزوجه تنبدل
والاخ لفتقده لاله بديل ولايعوضك عنه شي اخي ادري اني طلت زايد وكثرة في كلامي ولكن تفاعلي مع هذه القصيده
يمني النفس ويريح القلب ويشرح الخاطر فالى الامام انشالله ولاتعتبر هذه مجرد مشاركه بل حب واعجاب وكل ماكتبته
يشهد الله انه من الاعماق
لك مني ارق التحايا واعطرها رب العرش يحميك
آخر تعديل بواسطة صقرالعوالق ، 11-29-2005 الساعة 10:04 PM.
صقر العوالق.....تعجز الكلمات عن الرد
.
.
صقر العوالق...خذها كلمة صريحة....انت والله ارجعت لي ثقتي بشاعريتي التي كدت افقدها فالايام القليله السابقه...
.
.
صقر العوالق...اعجابك بشخصي ... انما هو من كرم اخلاقك وسموها...واعجابك بشعري انما هو من ذوقك العالي ...
...
اخي ...عندما قرأت كلماتك شعرت انك عايش بيني انا واخي ...شعرت انك تعرفني من زمن ... سبحان من وهبك هذا الذكاء...والله انك ماحدت عن الحقيقه قدر انمله....
.
.
اخي صقر العوالق ....ماذا اقول ....
لك مني خالص الشكر والتقدير ...والاعجاب
.
.
((مادام امثالك فالمنتدى ...فلا زال هناك مكان لنثر النزف الشعري))
..
اخوك احمد
النمط المتتابع
