(محـــــــــــاوره شـــعـــــريه) ياشاعر ادخل هنا نحن في انتظارك !!

[الحظ الردي]

لا تحرج اللي في الهواء متعلما******ياصاحبي لا تفضحه باسراره
خله يعيد الدرس يمكن يفهما *******وينفض الخوف ويعود الغاره
شلون حاله يوم جاه وسلما******* واهتز كنه جاه يطلب ثاره

[احمد بن صالح]

الله يرمي ذي بسهمه لك رمى=يومه ترك في داخلك مسماره
اسمه طبع داخل فوادك واعلما =منحوت في قلبك اسى تذكاره
اصبر وصابر واتقي واتفهما=واخشع وكبر للعلي كباره

[المرزقي]

سلام منى عد ما البارق لما ** يبلغ لبن صالح ودى هو جاره
شاعر على لوزان شعره قد سما ** فى أرض شبوه تنتشر أخباره
من بعض هرج الناس راسى قد طما ** ما با يخارجنى دوا العطاره
إن شى دواء عند الدكاتر ربما ** با تسمعون المرزقى واخباره
ياهل خليفه دى وصلكم واحتما ** هذا شفه شيطان معلق ناره

[الحظ الردي]

وانا سلامي عد ماالماطر زما = وعداد كل ربـــيع فتحت ازهاره

من شاعر مخلوط عضمه بالدما=والساس ذي ماكن سقط بحجاره

لاتجرح اللي من حض فرحه معدما=اللي مع النسيان ارخى ستاره

هذه حروفي والاسم مانذكر اسما =وعساه يسمعني ويذكـــــر جاره

[احمد بن صالح]

حيا بالمرزقي

يامرحبا بالمرزقي ذي نظما=بعض الكلام وزاد في معياره
حيا وسهلا بالرفيق المبهما=ذي ماعرفنا غايته واسراره
لاما ذكر ربه وهدى واسلما=واعلن لي الطاعه وحط اقراره
والله لاخلي لسانه اعجما=وامسك على حلقه من الزناره

[علي الأحمدي]

يامرحبا يا بن صالح .. اسفرت وانورت بشاعرنا ..

فكرتك رائعة مثل قافك اللذيذ ..

بانتظار بقية الشعراء

هذي محاولة خجولة ...



مني سلام الفين مردوفه كما ... طش المطر للمهتجس واشعاره

انته تبا شعار تتحاور كما ... ذي يعرفون القافية واشعاره

ما لهاجس اتعصّى وخلاني كما... ذي يحفر الصماء يجيب اشعاره

وانتوا اعذروني ياصحاب المكرما ... خلوني اتسمع لذيذ اشعاره

يالله ياشعارنا نبغا ابداع وبانتظار نمر الكور

تحياتي للجميع